تۇرلەنگەن تۇركسىب

اتالعان بايقاۋدىڭ باس­تى ماقساتى – فوتوتۋىندىلار ارقىلى قازاقستان تەمىر جولىنىڭ داڭقتى تاريحى مەن دامۋىن كورسەتۋ. سونىمەن قاتار تەمىر جولداعى داستۇرلەر مەن ساباقتاستىقتى نىعايتۋعا, جاس تەمىرجولشىلاردى تاريحي ەستەلىكتەردى ساقتاۋ­عا ىنتالاندىرۋعا, ءوز مامان­دىعىنىڭ وتكەنى مەن بۇگىنىنە ماحاببات پەن ماقتانىش سەزىمىن قالىپتاستىرۋعا ۇن­دەيدى.

«بۇگىندە اتى اڭىزعا اي­نالعان تۇركسىبتى قىسقا مەرزىم ىشىندە ادامداردىڭ قولمەن سالىپ شىعۋى كەرەمەت سياقتى بولىپ كورىنەدى. بۇل جوتالار مەن تاۋ وزەندەرى, ءشولدى قۇمدار مەن سۋسىز دالا ارقىلى 1,4 مىڭ شاقىرىم رەلس­تىك جول­تابان. جولدى ۇلى جىبەك جولىنىڭ جالعاسى دەپ ساناۋعا بولادى: ونىڭ بو­يىندا جاڭا دەپولار, كو­پىر­لەر سالىنىپ, بايلانىس جۇيەسى جولعا قو­يىلدى. قا­زىر وسكەلەڭ ۇرپاق تۇر­ك­سىب­تىڭ تاريحىن, ونى سالۋ­شى­لاردىڭ ەرلىكتەرى تۋرالى ءبى­لۋى ءتيىس. بۇل گيننەستەر كىتابىنا لايىق رەكورد. تۇر­­كسىب سالۋشىلارىنىڭ داڭق­­تى داس­تۇرلەرىن قازىرگى جاس­تار جال­عاستىرۋى كەرەك», دەيدى «قتج» ۇك» اق كون­سۋل­ت­اتيۆ­­تىك كەڭەسىنىڭ مۇشەسى, قۇر­­­مەتتى تەمىرجولشى قالتاي سامبەتوۆ.

بايقاۋعا كەلىپ تۇسكەن جۇ­مىستار www.railways.kz كور­­پوراتيۆتىك سايتىنداعى تۇر­­ك­سىبتىڭ 90 جىلدىعىنا ار­نالعان ايداردا جاريالانادى. قاتىسۋ تالابى جالعىز, ۇمىتكەرلەر رەتروفوتولاردا كورىنىس تاپقان زاماناۋي فوتولارىن ۇسىنۋى كەرەك.

ۇيىمداستىرۋشىلار ءبىر مەزگىلدە وتكەن جىلداردى ەسكە تۇسىرەتىن بۇگىنگى سۋرەت­تى كوركەمدىك-يدەيالىق تۇر­­عى­­دان باعالاپ, ۇزدىگىن قازى­لار القاسىنىڭ قاراۋىنا جىبەرەدى. جۇلدەلى ورىن يەگەرلەرىنىڭ ەسىمى 2020 جىلدىڭ 17 شىلدە­سىنە دەيىن انىقتالادى. جە­ڭىم­پازدار سىيلىقتارمەن ما­راپاتتالىپ, ولاردىڭ جۇ­­­­مىستارى تۇركسىبتىڭ 90 جىل­­­­­­دىعىنا ارنالعان سۋرەت كور­مەسىنە قويىلادى. سو­نى­مەن قاتار ۇلتتىق كوم­پا­نيانىڭ سايتىندا جانە «قازاقستان تەمىرجولشىسى» سالالىق گازە­تىندە جاريالانادى. جۇمىستار وسى جىلدىڭ 15 ماۋسىمى مەن 6 شىلدەسى  ارالىعىندا قا­بىلدانادى.