بيىلعى تۇلەكتەر ەلەكتروندى ديپلوم الادى. بۇل تۋرالى ءبىلىم جانە عىلىم ۆيتسە-ءمينيسترى رۇستەم بيعاري مينيسترلىكتىڭ Facebook پاراقشاسىندا "ەلەكتروندى ديپلوم" تاقىرىبىندا وتكەن تىكەلەي ەفير بارىسىندا ايتتى, - دەپ حابارلايدى Egemen.kz
ء"بىز ءتيىستى ءنورماتيۆتى اكتىلەردى قابىلدادىق. سوعان سايكەس بيىلعى جوعارى وقۋ ورىندارى مەن كوللەدج تۇلەكتەرى ديپلومنىڭ ەلەكتروندى نۇسقاسىنا يە بولادى. بۇل نە ءۇشىن قاجەت؟ بارىمىزگە بەلگىلى, جىل سايىن جۇمىس بەرۋشىلەردە دە, قاراپايىم ازاماتتاردا دا جالعان ديپلومعا قاتىستى ماسەلە تۋىنداپ جاتادى جانە ول ديپلومدى راستاۋعا ۋاقىت تا, قاراجات تا شىعىن بولادى. ساندارعا كەلەر بولساق, قر ءبىلىم جانە عىلىم مينيسترلىگىنە ديپلومدى راستاۋعا قاتىستى جىل سايىن 500 مىڭداي سۇرانىم تۇسەدى. بيىلدان باستاپ ديپلومدار ساندىق فورماتقا كوشتى. ەندى ديپلومنىڭ ءبىلىم مينيسترلىگىندە تىركەلگەن-تىركەلمەگەنىن ونلاين رەجيمدە تەكسەرۋگە بولادى", - دەدى بىلىم جانە عىلىم ۆيتسە-ءمينيسترى رۇستەم بيعاري.