ەگەر وقىرمان ەسىندە بولسا, وتكەن دۇيسەنبى كۇنى الاڭسىز جۇمىسىنا كەتىپ بارا جاتقان الماتى قالاسى ناۋرىزباي اۋداندىق حالىققا قىزمەت كورسەتۋ ورتالىعىنىڭ قىزمەتكەرى ەرجان ابدىرازاقوۆ ەكى ادامنىڭ ءومىرىن قۇتقارىپ قالعان ەدى, - دەپ حابارلايدى Egemen.kz
ەرجان ەكىنشى اۋىسىمداعى جۇمىسىنا كەلە جاتىپ, جولدا ادامداردىڭ جينالىپ تۇرعانىن بايقاپ, توقتايدى. بۇل كەزدە الدا كەتىپ بارا جاتقان پوليتسيا كولىگى دە تەجەگىشىن باسادى.
پوليتسيا قىزمەتكەرلەرى بىردەن تج قىزمەتىن شاقىرادى. ال ەرجان سۋ قۇبىرى قۇدىعىنان ىڭىرسىپ جاتقان داۋىستاردى ەستيدى. جاقىنداپ كەلىپ قاراعاندا ىشىندە شىعۋعا دارمەنسىز, ەسىنەن ايىرىلىپ جاتقان ەكى جىگىتتى كورەدى. ەرجان ابدىرازاقوۆ ويلانىپ جاتپاستان اق كويلەگىن شەشىپ, جانىندا تۇرعان ايەلدىڭ ورامالىن دىمقىلداپ, مۇرنىنا بايلاپ, قۇدىققا تۇسەدى. وعان امانجول جانسەيىتوۆ دەگەن ازامات كومەكتەسەدى. ەكەۋلەپ ءجۇرىپ ەس-ءتۇسسىز جاتقان ازاماتتاردى قۇدىقتان شىعارادى. جەدەل جاردەم كەلىپ, العاشقى دارىگەرلىك كومەك كورسەتىپ, ءارى قاراي اۋرۋحاناعا الىپ كەتەدى.
سونىمەن كارىز قۇدىعىنان امان قالعان "الماتى سۋ" مەكەمەسىنىڭ قىزمەتكەرلەرىنىڭى ءبىرى اۋرۋحانادان شىقتى. قالقامانداعى №7 اۋرۋحانادان امان-ەسەن ايىققان 25 جاستاعى نۇرجاندى شىعارىپ الۋشىلار قاتارىندا ونىڭ قۇتقارۋشىسى, حقو قىزمەتكەرى ەرجان ابدىرازاقوۆ تا بولدى.
ەرجان ءوزى قۇتقارعان جىگىتتەردىڭ ءحالىن ءبىلىپ, اۋرۋحاناعا بارىپ تۇرعان. جانساقتاۋ بولىمىندە جاتقان جىگىتتەرگە جىبەرمەسە دە, تۋىستارى, اۋرۋحانا دارىگەرلەرى ارقىلى جاعدايلارىن ءبىلىپ وتىرىپتى. نۇرجان امان-ەسەن اۋرۋحانادان شىققاندا دا جانىنان تابىلدى.
اجالدان امان قالعان نۇرجان ءوزىنىڭ قۇتقارۋشىسى ەرجان اعاسىنا اعىنان جارىلا العىسىن بىلدىرە وتىرىپ: "مەن ول كۇندى ەكىنشى تۋعان كۇنىم دەسەم بولادى. ءولىپ قايتا تىرىلگەندەيمىن. وسى ساتتە ەرجان سىندى باتىل اعامىز بولماعاندا, و دۇنيەلىك بولار ەدىك. بىزگە ەكىنشى ءومىر سىيلاعان اعالارىما اللا ريزاشىلىعى ءۇشىن شىن جۇرەكتەن العىسىمدى بىلدىرەمىن", – دەيدى نۇرجان.
ال, ەكىنشى جىگىت – اسقار قاينازاروۆ ءالى دە اۋرۋحانادا جاتىر. ول دا ەسىن جيعان, سويلەي الادى. بىراق اۋرۋحانادان شىعۋعا ەرتە, ءالى دە ءالسىز. ونى دا كورۋگە ەرجان بىرنەشە رەت بارعان, بىراق پالاتاعا جىبەرمەيدى. سوندىقتان ونىڭ باۋىرى ىسقاق ارقىلى حال-جاعدايىن ءبىلىپ تۇرادى.
"ازاماتتارىمىز امان بولسا ەكەن. اسقاردىڭ دا تەز ايىعىپ, قاتارعا قوسىلۋىن تىلەيمىن. نۇرجان اۋرۋحانادان شىققاندا قاتتى قۋاندىم. تۋىستارى, ارىپتەستەرى كەلىپ, ءبارىمىز بىرگە قۋانىپ, شىعارىپ الدىق. ەندى اسقاردى دا وسىلاي قۋانىشپەن شىعارىپ الاتىن كۇن تەز جاقىنداسىن. ءبارىمىز دە ونىڭ دەنساۋلىعى ءۇشىن دۇعادا وتىرمىز", – دەيدى ەرجان.
سىن ساعاتتا ەش ويلانباستان, ءوز ءومىرىنىڭ قاۋپىنە قاراماي, قۇتقارۋعا ۇمتىلعان ەرجان ابدىرازاقوۆتىڭ ءىسى ۇلكەن ەرلىك, اسقان ادامگەرشىلىك, دەيدى ۇجىمداستارى ماقتانىشپەن.
الماتى