بۇگىن الماتى اكىمى باقىتجان ساعىنتاەۆ بولشەك ساۋدا مەن ەكونوميكانىڭ اتالمىش سەكتورىنىڭ اشىقتىعىن ارتتىرۋدىڭ ۇزدىك ۇلگىسى بولىپ تابىلاتىن "ۇيدەگى دۇكەن" ۇلگىسىندەگى Froot دۇكەندەر جەلىسىنىڭ جۇمىسىمەن تانىستى, - دەپ حابارلايدى Egemen.kz
قالا اكىمى ب. ساعىنتاەۆ Instagram-داعى ءوزىنىڭ پاراقشاسىندا بيۋدجەتىنىڭ 40%-عا جۋىعى ساۋدا ەسەبىنەن قالىپتاساتىن مەگاپوليستىڭ بۇدان دا قارقىندى دامۋى ءۇشىن ەكونوميكانىڭ وسى سەكتورىن كولەڭكەدەن شىعارۋ قاجەت ەكەنىن جازدى.
"ول ءۇشىن نە ىستەۋ كەرەك؟ سۋپەرماركەت, ونلاين-ساۋدا مەن ءۇيدىڭ قاسىنداعى دۇكەندەرگە قولايلى جاعداي جاساپ, قولداۋ كورسەتىلۋى ءتيىس", - دەپ حابارلادى ب. ساعىنتاەۆ.ول جەرگىلىكتى فرانچايزينگتى تارتا وتىرىپ, "ۇيدەگى دۇكەن" سەكىلدى تيپتىك جوبالاردىڭ ىسكە اسۋىنا قاجەتتى قولداۋ كورسەتىلەتىنىن اتاپ ءوتتى. مىسالى ۇلگى رەتىندە الەمدىك 7-Eleven مودەلى بويىنشا قۇرىلعان Froot جەلىسىن ايتۋعا بولادى.
"ساۋدا جوباسىنىڭ باستى ناتيجەسى سول, تاماق ونىمدەرى ساپالى, اۆتوماتتاندىرىلىپ, وقشاۋلاندىرىلعان. مۇندا بيزنەستىڭ اشىقتىعى, سالىقتىڭ ءتۇسىمى دۇرىس جولعا قويىلىپ, رەسمي جۇمىس ورىندارى دا قۇرىلعان", - دەپ اتاپ ءوتتى الماتى اكىمى.
ايتا كەتەرلىگى, جاڭا ۇلگىدەگى Froot دۇكەندەر جەلىسىندەگى ازىق-ت ۇلىكتەردىڭ باعاسى ءۇيدىڭ قاسىنداعى دۇكەندەردەن 10-15%-عا تومەن. مۇندا بارلىق ءىس-قيمىلدى, تاۋار اسسورتيمەنتىنەن باستاپ ونىڭ سانىنا دەيىنگى ۇردىستەردى, كاسسا مەن بۋحگالتەريانى زياتكەرلىك جۇيە باسقارادى. مۇنداي دۇكەندەردىڭ جۇمىسى بارىنشا اشىق ءارى بيۋدجەتكە سالىقتار مەن ءتۇرلى تولەمدەر دەر كەزىندە تۇسەدى, قىزمەتكەرلەر تۇراقتى ءارى لايىقتى جالاقى الادى.