ەكونوميكانى جاڭعىرتۋ جونىندەگى كوميسسيا وتىرىسى ءوتتى

قاراعاندى وبلىسى ساران قالاسىنداعى بۇرىنعى رەزينا تەحنيكا بۇيىمدارىنىڭ زاۋىتى بازاسىندا ءىرى ونەركاسىپ جوبالارىن ىسكە اسىرۋ ماسەلەلەرى قارالدى. 

اتاپ ايتقاندا, «Yutong» ماركالى اۆتوبۋستار مەن ارنايى تەحنيكانى قۇراستىرۋدى ۇيىمداستىرۋ جوسپارلانعان. جوباعا سالىناتىن ينۆەستيتسيا كولەمى 22 ملرد تەڭگەنى قۇرايدى, كاسىپورىننىڭ جوبالىق قۋاتتىلىعى — جىلىنا 1 200 اۆتوبۋس جانە 500 بىرلىك ارنايى تەحنيكا مەن ارنايى كولىك.

سونىمەن قوسا, «Doublestar» ماركالى اۆتوموبيل دوڭگەلەگىن ءوندىرۋ جولعا قويىلادى. جوباعا 56 ملرد تەڭگە ينۆەستيتسيا سالىپ, جىل سايىن جەڭىل كولىك ءۇشىن 3 ملن دوڭگەلەك جانە كوممەرتسيالىق تەحنيكا ءۇشىن 500 مىڭ دوڭگەلەك شىعارۋ كوزدەلگەن.

سونىمەن قاتار, رەزينا تەحنيكاسى زاۋىتى الاڭىندا دايىن وندىرىستىك عيماراتتار كەشەنى (Ready Built Factory) قۇرىلادى, وندا شاعىن كاسىپكەرلەر يندۋستريالىق جوبالاردى, ونىڭ ىشىندە قۇراۋشى بولشەكتەر مەن كومپونەنتتەردى وتكىزەتىن بولادى. 

وتىرىسقا قاتىسۋشىلار سونىمەن قاتار سولتۇستىك قازاقستان جانە قوستاناي وبلىستارىنىڭ اگروحولدينگتەرىنىڭ ينۆەستورلارىنا مەملەكەتتىك قولداۋ كورسەتۋ, 2016-2020 جىلدارعا ارنالعان جەكەشەلەندىرۋدىڭ كەشەندى جوسپارىن ىسكە اسىرۋ, وڭدەۋ ونەركاسىبى كاسىپورىندارىنىڭ قىزمەتى جانە ت.ب. ماسەلەلەردى قاراستىردى.