ء«بىلىم. عىلىم. باۋىرلاستىق». وسىنداي اتاۋمەن 2 ماۋسىم كۇنى تۇركى تىلدەس ەلدەرى جوعارى وقۋ ورىندارى ونەرپازدارىنىڭ كونتسەرتى وتەدى, دەپ حابارلادى قازاق ۇلتتىق قىزدار پەداگوگيكالىق ۋنيۆەرسيتەتىنىڭ ءباسپاسوز قىزمەتى.
ماقسات – ءتۇبى ءبىر تۋىسقان مەملەكەتتەردىڭ ءبىلىم, عىلىم جانە مادەني ىنتىماقتاستىعىنىڭ دامۋىن ارتتىرۋ, تالانتتى جاستارعا قولداۋ كورسەتۋ.
ونلاين فورماتتا ۇيىمداستىرىلاتىن شاراعا قازاق ۇلتتىق قىزدار پەداگوگيكالىق ۋنيۆەرسيتەتى, تۇركيانىڭ نيگدە ومەر حاليسدەمير ۋنيۆەرسيتەتى جانە قىرعىز رەسپۋبليكاسىنىڭ ءجۇسىپ بالاساعۇن اتىنداعى قىرعىز مەملەكەتتىك ۋنيۆەرسيتەتىنىڭ ونەر ۇجىمدارى قاتىسپاق.
سونىمەن قاتار كونتسەرت بارىسىندا اتالعان جوعارى وقۋ ورنىنىڭ وكىلدەرى ءوزارا ارىپتەستىك بايلانىستى دامىتۋ ورايىندا اتقارىلىپ جاتقان جۇمىستار توڭىرەگىندەگى اقپاراتتارىمەن بولىسپەك.
ايتا كەتەيىك, ونلاين كونتسەرت قىزدار ۋنيۆەرسيتەتىنىڭ YouTube جەلىسىندەگى رەسمي ارناسىندا تىكەلەي ەفيردە وتەدى.
الماتى