نۇر-سۇلتان قالاسىنىڭ اكىمى التاي كولگىنوۆ ورتالىق كوممۋنيكاتسيالار قىزمەتىندە وتكەن ونلاين بريفينگتە ەلورداداعى بلوك-بەكەتتەردىڭ قاشان اشىلاتىنىن ايتتى.
ء«بىز 3 باعىت بويىنشا باقىلاۋ جۇرگىزدىك. ءبىرىنشىسى – حالىقارالىق اۋە رەيستەرىنە شەكتەۋ قويۋ. ويتكەنى ۆيرۋستىڭ ەڭ ءبىرىنشى سىرتتان, ياعني شەتەلدەردەن كەلگەنى بەلگىلى. ەكىنشىسى – ەل ىشىندەگى اۋە, تەمىرجول رەيستەرى مەن قالاارالىق باعىتتارعا شەكتەۋ قويۋ. وسىنىڭ ارقاسىندا ينفەكتسيانىڭ كەڭىنەن تارالىپ كەتۋىنە جول بەرمەدىك. ءۇشىنشى باعىت – قالاىشىلىك كۆارتالدار قوزعالىسىن باقىلاۋ, ياعني پوليتسيا قىزمەتكەرلەرى ەلوردالىقتاردى وقشاۋلاۋ ماقساتىندا ءار اۋماقتاعى كولىك قوزعالىسىنا شەكتەۋ قويىپ, تەكسەرىس جۇرگىزدى. ناتيجەسىندە قالاداعى كولىك كەپتەلىسى ەداۋىر ازايدى», - دەدى التاي كولگىنوۆ.
سونداي-اق ول ماۋسىم ايىنان باستاپ كەيبىر باعىتتاعى تەمىرجول رەيستەرىنىڭ ىسكە قوسىلاتىنىن اتاپ ءوتتى.
«ۆيرۋس قاۋپى ءالى دە سەيىلمەگەندىكتەن, بلوك-بەكەتتەر ازىرگە اشىلمايدى. ول تۋرالى وسى ايدىڭ سوڭىندا قوسىمشا حابارلايتىن بولامىز», – دەدى قالا اكىمى.