اقمولالىقتار ۇيدەن شىقپاي-اق كىتاپ وقيدى

العاشقى وقىلاتىن كىتاپتار تىزىمىندە «مەنىڭ اتىم قوجا», «مالەنكي پرينتس», «قورعانسىزدىڭ كۇنى» اتتى شىعارمالار بار. ۆيرتۋالدى وقۋدى ۇيىمداستىرۋشىلار قازىر قازاق جانە شەتەل ادەبيەتى كلاسسيكتەرىنىڭ  كىتاپتارىن ىرىكتەۋمەن اينالىسۋدا. بۇل ىستە الەۋمەتتىك جەلىدەگى وقىرماندار تاراپىنان دا قىزىعۋشىلىق جوعارى.

ء–بىز ءوزىمىزدىڭ پاراقشالارىمىزدا وسى چەللەندجدى  باستادىق.  وقىرمانداردىڭ قولداپ جاتقانى قۋانتادى. ماقساتىمىز – وقۋ مادەنيەتىن دامىتۋ, سونى شىعارمالاردى كوپشىلىككە ناسيحاتتاۋ, سونداي-اق, كارانتين كەزىندە ۋاقىتتى ءتيىمدى وتكىزۋ. ءبىز الەۋمەتتىك جەلىدە وقىرماندار  ۇسىنعان «ۇزدىك 100 كىتاپتى» ىسكە قوسامىز, دەيدى وبلىستىق جاستار رەسۋرستىق ورتالىعىنىڭ جەتەكشىسى انارگۇل بەلگىباەۆا.

اتالمىش چەللەندجگە ءساۋىر ايىنىڭ سوڭىنا دەيىن قوسىلۋعا مۇمكىندىك بار.