سوڭعى ايدا وڭىردە اجىراسۋ دەرەكتەرى ەكى ەسەگە كوبەيگەن. ونىڭ سەبەپتەرى دە ءارتۇرلى. ماماندار ستاتيستيكاعا سۇيەنە وتىرىپ, كارانتين كەزىندە تىم كوبەيگەنىن ايتادى.
ون بەس جىل وتاسقان ورداباي ءۇي جايىن تاستاپ, پاتەر جالداپ كوشىپ الدى. ايتۋىنا قاراعاندا, كەلىندى كورگىسى كەلمەيدى. كەلىن بولسا, كارانتينگە مەن كىنالىمىن با دەپ بۇرقىلداپ ءجۇر. جالعىز ورداباي ەمەس, ورعا جىعىلعاندار از ەمەس ەكەن. اقمولا وبلىسىندا اقپان ايىندا 117 نەكە قيىلعان. ونىڭ 17 وتباسى اجىراسقان. ال, ءوزىن-ءوزى وقشالاۋ باستالعالى ناۋرىزدا 114 جۇپ وتباسىن قۇرسا, 34 شاڭىراق شايقالعان.
– نەگىزىنەن, قازىر حالىق ۇيدە وتىر. بىرەۋى تەلەديدار داۋىسىن كوتەرىپ كورسە, ەكىنشىسى شۋلاپ, تۋعان كۇن تويلاۋدا. ەندى ءبىرى, تۇرمىستىق جانجالدارمەن تىنىشتىقتى بۇزۋدا, – دەيدى قالالىق ىشكى ىستەر ءبولىمى باستىعىنىڭ ءبىرىنشى ورىنباسارى جانات ءشارىپوۆ.
ال, جەرگىلىكتى پوليتسيا قىزمەتىنىڭ دەرەكتەرىنە سۇيەنسەك, وڭىردە كارانتين جاريالانعالى وتباسىلىق جانجالدار بويىنشا 41 حاتتاما تولتىرىلعان. مۇنداي شارا وسى وتباسىلاردا تۇرمىستىق زورلىق-زومبىلىقتىڭ قايتالانباۋىنا, جانجالداردىڭ الدىن-الۋعا باعىتتالعانىن ايتا كەتۋ كەرەك.