كولۋتوننىڭ قارعىن سۋى قاۋىپ ءتوندىرىپ تۇر

ەگەر قارعىن سۋ ادام ومىرىنە قاۋىپ توندىرسە, قۇتقارۋشىلار اۋىل تۇرعىندارىن  كوشىرمەك. قازىر وبلىستىق توتەنشە جاعدايلار دەپارتامەنتى مەن جەرگىلىكتى اتقارۋشى ورگانداردىڭ بار كۇشى ستارىي كولۋتون ەلدى مەكەنىنە قارعىن سۋدى كىرگىزبەۋگە جۇمىلدىرىلۋدا. سوڭعى تاۋلىكتەردە كولۋتون وزەنىندەگى سۋ مولشەرى كۇرت كوبەيدى. سول سەبەپتى ەلدى مەكەندى باسىپ قالۋ قاۋپى تۋىنداپ تۇر.

اۋىل ىرگەسىنەن 500 تەكشە مەترگە جۋىق سۋ سورىلىپ, تۇرعىن ۇيلەردىڭ ماڭايى قۇم تولتىرىلعان قاپتارمەن قورشالدى. ءساۋىردىڭ 10-11 كۇندەرى كولۋتون وزەنىنىڭ بويىنداعى 15 جەردە كەپتەلگەن سەڭ جارىلدى.  ەگەر قىزىل  سۋ ەلدى مەكەنگە ەنە قالسا, ادامداردى ۋاقىتشا پانالاتۋ ءۇشىن اۋىلداعى ورتا مەكتەپتى دايىنداپ قويعان, وعان قوسا كوۆىلەنكا جانە جالتىر ەلدى مەكەندەرىندەگى مەكتەپتەر دە جابدىقتالۋدا.

وقىس وقيعا  تۋرالى اقمولا وبلىستىق توتەنشە جاعدايلار دەپارتامەنتى باسشىسىنىڭ ورىنباسارى قانات دوسپاەۆ حابارلادى. ونىڭ ايتۋىنشا, دەپارتامەنت قىزمەتكەرلەرى تاس-ءتۇيىن دايىن وتىر. تاسقىن سۋمەن كۇرەسۋگە قاجەتتى قۇرال-جابدىقتاردىڭ بارلىعى بار.

2019 جىلى ستارىي كولۋتون ەلدى مەكەنىن قارعىن سۋ باسىپ قالىپ, ءبىراز ۋاقىت قاتىناس ۇزىلگەن بولاتىن. 

اقمولا وبلىسى