اقمولا وبلىسىنىڭ اۋماعىندا 2020 جىلدىڭ 13 ساۋىرىندە ساعات 21.00-دەن باستاپ 2020 جىلدىڭ 25 ساۋىرىنە دەيىن حالىقتىڭ شارۋاشىلىعى مەن باسقا قىزمەتىنە قوسىمشا شەكتەۋ شارالارى ەنگىزىلەدى.
اتاپ ايتقاندا, جولاۋشىلار تاسىمالداۋ كولىكتەرى مەن قوعامدىق كولىكتەردىڭ بارلىق تۇرلەرىنىڭ جۇمىسى توقتاتىلادى. تەك قانا رەسمي تىركەلگەن تاكسي قىزمەتى جۇمىس ىستەي الادى. ولاردىڭ وزىنە ءبىر رەت وتىرعىزعاندا ءبىر وتباسىنىڭ مۇشەلەرى بولماسا, 2 ەرەسەك جولاۋشىدان ارتىق وتىرعىزۋعا بولمايدى.
اقمولا وبلىسى بويىنشا توتەنشە جاعدايلاردىڭ الدىن الۋ جانە جويۋ جونىندەگى ۆەدومستۆوارالىق كوميسسيانىڭ بارلىق شەشىمدەرى ورىندالۋى ءتيىس. كارانتين جاريالانعان اۋماقتا كولىكتەردىڭ كىرۋى مەن شىعۋىنا تىيىم سالىنادى. ودان تەك قانا اقمولا وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسىن باقىلاۋ جونىندەگى دەپارتامەنتىنىڭ باسشىسىنىڭ جانە دەپارتامەنتتىڭ اۋماقتىق باسقارمالارى باسشىلارىنىڭ كۋالەندىرىلگەن قولى مەن ءمورى بار قىزمەت كۋالىگىمەن نەمەسە انىقتاماسىمەن اقمولا وبلىسىنىڭ سانيتارلىق-ەپيدەميولوگيالىق قىزمەتىنىڭ ماماندارى, جەرگىلىكتى جەردەگى باسشىنىڭ كۋالەندىرگەن قولى مەن ءمورى بار انىقتاما بولعان جاعدايدا پاتسيەنتتەر مەن مەملەكەتتىك مەديتسينالىق مەكەمەلەردىڭ مەديتسينالىق قىزمەتكەرلەرى, قۇقىق قورعاۋ, ارنايى ورگانداردىڭ قىزمەتكەرلەرى مەن سوت جۇيەسىنىڭ قىزمەتكەرلەرى, ايماقتىق جەدەل شتابتىڭ بەكىتكەن تىزىمىنە سايكەس جەرگىلىكتى اتقارۋشى ورگانداردىڭ وكىلدەرى, حالىقتىڭ ومىرلىك ماڭىزى بار ماسەلەلەرىن شەشۋمەن اينالىساتىن قىزمەتكەرلەر, سونىڭ ىشىندە ارنايى مامانداندىرىلعان ينكاسساتورلىق اۆتوكولىكتىڭ, «قازپوشتا» اكتسيونەرلىك قوعامىنىڭ اۆتوكولىكتەرى (بوگدە ادامدارسىز), «سەرگەك» مالىمەتتەر بازاسىنا سايكەس ترانزيتتىك جۇك اۆتوكولىكتەرى, ازىق-ت ۇلىك ونىمدەرى, ءدارى-دارمەك جانە مەديتسينالىق قۇرالدار, جەكە قورعانىس جانە گيگيەنالىق قۇرالدار, اۋىل شارۋاشىلىعى ونىمدەرى, اۋىل شارۋاشىلىعى تەحنيكاسى, قۇرىلىس جانە باسقا دا ماتەريالدار تيەلگەن ارنايى مامانداندىرىلعان جانە جۇك اۆتوكولىكتەرى (جۇرگىزۋشى جانە ءارى العاندا ەكى جولاۋشى), توتەنشە جاعداي تۋرالى قاۋىپسىزدىك شارالارىندا اتاپ كورسەتىلگەنىندەي, مەديتسينالىق كورسەتىلىمدەرى بويىنشا كىرىپ-شىعاتىن ادامدار عانا وتۋلەرى ءتيىس.