وڭىرلىك كوممۋنيكاتسيالار قىزمەتىندە وتكەن بريفينگتە «ازاماتتارعا ارنالعان ۇكىمەت» مەملەكەتتىك كورپوراتسياسى» اقمولا وبلىسى بويىنشا فيليالىنىڭ ديرەكتورى باۋىرجان ەرىمبەتوۆ مەملەكەتتىك قىزمەتتەردى ونلاين رەجيمدە كورسەتۋ ءتارتىبى تۋرالى كەڭىنەن ءتۇسىندىرىپ ءوتتى.
–ەلىمىزدە كوروناۆيرۋس جۇقپاسى تارالۋىنا بايلانىستى بىرقاتار شەكتەۋ شارالارى قولعا الىنعانى بەلگىلى. حالىققا قىزمەت كورسەتۋ ورتالىقتارى جۇمىسىن ۋاقىتشا توقتاتتى. الايدا, تۇرعىندار مەملەكەتتىك قىزمەتتى ەلەكتروندى فورماتتا الا الادى. بۇگىنگى تاڭدا مەملەكەتتىك قىزمەتتەردىڭ 80 پايىزى eGov.kz ەلەكتروندى ۇكىمەت پورتالىندا قول جەتىمدى.كەيبىر سەرۆيستەر مەن قىزمەتتەردى eGovmobile ءموبيلدى قوسىمشاسى, Telegrambot, facebook, ۆككونتاكت الەۋمەتتىك جەلىلەرى ارقىلى الۋعا بولادى, –دەدى«ازاماتتارعا ارنالعان ۇكىمەت» مەملەكەتتىك كورپوراتسياسى» اقمولا وبلىسى بويىنشا فيليالىنىڭ ديرەكتورى باۋىرجان ەرىمبەتوۆ.
سونىمەن قاتار, اقمولالىقتار ونلاين رەجيمدە مەملەكەتتىك قىزمەت الۋ كەزىندە تولعاندىرعان ساۋالدارىن قويۋلارى ءۇشىن حالىققا قىزمەت كورسەتۋ ورتالىقتارىنىڭ 1800-دەن استام بىلىكتى ماماندارى مەن 1414 بايلانىس ورتالىعىنىڭ قىزمەتكەرلەرى تەگىن كونسۋلتاتيۆتىك كومەك بەرەتىن بولادى. مۇنداي Call-ورتالىقتار ءبىر مەزەتتە 1000 ادامعا كەڭەس بەرە الادى دەپ جوسپارلانۋدا. Call-ورتالىقتار دۇيسەنبى-سەنبى ارالىعىندا ساعات 9.00-دەن كەشكى 20.00-گە دەيىن جۇمىس ىستەيدى.
بريفينگتە فيليال ديرەكتورى ناۋرىزدىڭ 21-ىنە دەيىن قۇجاتتارىن حالىققا قىزمەت كورسەتۋ ورتالىعىنا تاپسىرىپ ۇلگەرگەن ازاماتتار دايىن قۇجاتتاردى سول حالىققا قىزمەت كورسەتۋ ورتالىعىندا قۇجاتتى تاپسىرۋ ورنىنان الا الاتىنىن جەتكىزدى. بۇگىنگى تاڭدا وبلىسىمىزداعى حالىققا قىزمەت كورسەتۋ ورتالىقتارىندا 21 دايىن قۇجاتتى بەرۋ تەرەزەسى جۇمىس ىستەيدى. وبلىس تۇرعىندارىنا قۇجاتتارى تەك وسىنداي جولمەن بەرىلەدى. كوكشەتاۋ قالاسىنا كەلسەك, ناۋرىزدىڭ 30-ىنان باستاپ قالا بويىنشا اۋەزوۆ كوشەسى 189 مەكەنجايىندا ورنالاسقان №1 حالىققا قىزمەت كورسەتۋ ورتالىعىندا بىرىڭعاي تاپسىرۋ تەرەزەسى جۇمىس ىستەۋدە. سونداي-اق, ونلاين رەجيمدە كولىكتەرىن قايتا تىركەگەن جانە جۇرگىزۋشى كۋالىكتەرىن اۋىستىرعان اۆتوكولىك يەلەرى دايىن قۇجاتتارىن وبلىستىق مامانداندىرىلعان حالىققا قىزمەت كورسەتۋ ورتالىعىنا بارىپ الۋلارىنا بولادى. ءسوزىنىڭ سوڭىندا فيليال ديرەكتورى بارشا اقمولالىقتاردى ۇيدەن شىقپاۋعا, سانيتارلىق-ەپيدەميولوگيالىق شارالاردى ۇستانۋعا, مەملەكەتتىك قىزمەتتەردى ونلاين الىپ, وسىلايشا جاقىندارىنىڭ دەنساۋلىعىن ساقتاۋعا شاقىردى.
بريفينگكە قاتىسقان فيليال ديرەكتورىنىڭ ورىنباسارى نۇربەك قايىرجانوۆ وتكەن اپتادان بەرى مەملەكەتتىك قىزمەت تۇرلەرى قاشىقتىقتان كورسەتىلىپ جاتقاننان كەيىن تۇرعىنداردان ەلەكتروندى ساندىق قولتاڭبا (ەسق) الۋعا وتىنىشتەر كوپتەپ ءتۇسىپ جاتقانىن ايتتى. سەبەبى, ەلەكتروندى فورماتتا كورسەتىلەتىن بارلىق مەملەكەتتىك قىزمەتتەردى الۋ ءۇشىن ازاماتتاردىڭ ەسق-سى بولۋى مىندەتتى.
–توتەنشە جاعداي جانە كارانتين كەزىندە ازاماتتارىمىز ەلەكتروندى ساندىق قولتاڭبانى ۇيدەن شىقپاي-اق الۋلارى ءۇشىن ءبىر توپ پروگراميستەر جەمىستى جۇمىس ىستەدى. ەسق-نى ونلاين الۋ ءۇشىن تۇلعانى سايكەستەندىرۋ قاجەت. ول ءۇشىن فوتوعا ءتۇسىپ, جەكە كۋالىگىڭىزدىڭ سۋرەتىن جىبەرەسىز جانە ۆيدەو ارقىلى بايلانىسقا شىعاتىن حالىققا قىزمەت كورسەتۋ ورتالىعى مامانىنىڭ سۇراقتارىنا جاۋاپ بەرەسىز, – دەدى نۇربەك قايىرجانوۆ. ەسق-نى وسىنداي تاسىلمەن الۋ جەكە تۇلعالار جانە زاڭدى مەكەمەلەردىڭ ءبىرىنشى باسشىلارى ءۇشىن قولجەتىمدى. بۇگىنگى تاڭدا تۇرعىندارعا 20 مىڭنان استام ەسق قاشىقتىقتان بەرىلگەن.