كارانتيننىڭ العاشقى كۇنى. بلوك-بەكەتتەردە قۇقىق قورعاۋ قىزمەتكەرلەرى مەن دارىگەرلەر تاۋلىك بويى كۇزەتۋدە. وبلىس بويىنشا 8, ال, كوكشەتاۋ شەكاراسىندا 12 باقىلاۋ-وتكىزۋ بەكەتى ورناتىلدى. وبلىس اۋماعىندا جالپى سانى 50-دەن استام بەكەت قويىلماق.
كارانتيننىڭ العاشقى كۇنى اقمولالىقتار ورىن العان جاعدايعا تۇسىنىستىك تانىتىپ, ورەسكەل وقيعاعا جول بەرمەدى. ءتارتىپ تالابى قاتاڭ. بۇلجىتپاي ورىنداۋ كەرەك.
– نۇر-سۇلتان-پەتروپاۆل تاس جولىنىڭ 292 شاقىرىمىندا باقىلاۋ-وتكىزۋ بەكەتى ورناتىلعان. سانيتارلىق-ەپيدەميولوگيالىق قىزمەتىنىڭ ماماندارى دا بەكەتتەردە كەزەكشىلىك اتقارۋدا. ولار ازاماتتاردان سوڭعى 14 كۇندە قايدا بولعانى جونىندە سۇراپ بىلۋدە. ءار بەكەتتە شامامەن 12 ادام كەزەكشىلىك اتقارادى, – دەيدى وبلىستىق اكىمشىلىك پوليتسياسى باسقارماسىنىڭ اعا ينسپەكتورى ايبەك حاسەنوۆ.
جولاۋشىلار بارار باعىتىن, جول ءجۇرۋ ماقساتىن ءتۇسىندىرىپ جاتتى. ارقايسىسىنىڭ قولىندا رۇقسات قاعازدارى بار. پوليتسيا قىزمەتكەرلەرىنىڭ ايتۋىنشا, ازىرگە ورەسكەل زاڭ بۇزۋشىلىق تىركەلگەن جوق. ازاماتتاردىڭ كارانتين رەجيمىنە دەگەن كوزقاراستارى وڭ. بەكەتتەن وتكىزبەگەن كولىكتەر ەش قارسىلىقسىز كەيىن قايتۋدا.