ايماقتاعى تۇرمەلەردە مەديتسينالىق ماسكا تىگۋ ءوندىرىسى قارقىن العان. جازاسىن وتەۋشىلەر تاۋلىگىنە 7 مىڭنان استام ماسكا تىگەدى. قايىرىمدىلىق شارا بارىسىندا ماسكالاردىڭ ءبىر پاراسى كوكشەتاۋداعى قارتتار مەن مۇگەدەكتەرگە ارنالعان ء«ۇمىت شاڭىراق» ورتالىعىنا تەگىن ۇلەستىرىلدى.
گرانيتنىي كەنتىندەگى ەتس 166/25 مەكەمەسىندە 500 – گە جۋىق ازامات جازاسىن وتەۋدە. ولاردىڭ 60 - تان استامى تىگىن تسەحىندا ەڭبەك ەتەدى. قازىرگى جۇمىس ماسكا تىگۋ.
– قازىر مەن رەسپۋبليكالىق «ەڭبەك» مەكەمەسى ارقىلى جۇمىسقا ورنالاستىم. ەكىنشى كونۆەيەردە تىگىنشى-موتوريست بولىپ جۇمىس ىستەيمىن. مەديتسينالىق ماسكالار تىگەمىز. كوروناۆيرۋس ەپيدەمياسىنا بايلانىستى ءبىز اقمولا وبلىستىق قىلمىستىق اتقارۋ جۇيەسى دەپارتامەنتىنە قولداۋ تانىتقىمىز كەلەدى. قارتتار ۇيىنە ارناپ ماسكالاردى تەگىن تىگۋدى باستادىق. ءسويتىپ ءبىز بۇگىنگى قوعامدا تاراعان قاۋىپتى ىندەتپەن كۇرەسۋگە وزىندىك ۇلەس قوسقىمىز كەلەدى,–دەيدى جازاسىن وتەۋشى.
قازىر تاۋلىگىنە 2 جارىم مىڭنان استام ماسكا تىگىلەدى. ءونىم سەرتيفيكاتتاۋدان وتكەن ءارى اللەرگيا جانە شاڭ-توزاڭنان قورعاۋ تالاپتارىنا سايكەس كەلەدى. بەتپەردەنىڭ ەكى ءتۇرى تىگىلەدى. ءبىرى ەرەسەك ادامدارعا لايىقتى بولسا, ەكىنشىسى بالالار مەن جاسوسپىرىمدەرگە ارنالعان.
–قازاقستان اۋماعىندا باستاۋ العان رەسپۋبيكالىق ء«بىز بىرگەمىز» اكتسياسىنان قىلمىستىق اتقارۋ جۇيەسى دەپارتامەنتى دە قالىس قالماۋدا. وسى رەتتە ەڭبەكپەن تۇزەتۋ مەكەمەلەرىندە قوعامنىڭ وسال توپتارىنا تەگىن ماسكا تىگۋ تۋرالى شەشىم قابىلدانعان. باستاماعا جازاسىن وتەۋشىلەر دە كومەكتەسۋگە نيەتتى ەكەندىكتەرىن ءبىلدىردى,–دەيدى ەتس 166/25 مەكەمەسى باستىعىنىڭ ورىنباسارى سۇلتان قۇسايىنوۆ.
دايىن ماسكالاردىڭ ءبىر پاراسى كوكشەتاۋ قالاسىنداعى قارتتار مەن مۇگەدەكتەرگە ارنالعان ء«ۇمىت شاڭىراق» ورتالىعىنا تابىستالدى.
قازىرگى تاڭدا رەسپۋبليكالىق «ەڭبەك» كاسىپورىنىنىڭ 3 بولىمشەسى ماسكا تىگۋگە جۇمىلدىرىلعان. ناۋرىزدىڭ 20-سىنان باستاپ ءتۇرلى تاپسىرىس بويىنشا باس اياعى 50 مىڭنان استام ماسكا تىگىلىپتى. قاجەتتى بولعان جاعدايدا دايىن ءونىم كولەمىن ەكى ەسەگە ارتتىرۋ دا كوزدەلىپ وتىر.