كوروناۆيرۋس كارانتينى كىسىلىك كەمەلدەنۋگە باستار جول بولىپ تۇرعانداي. جاپپاي ۇيدە وقشاۋلانۋ كوپشىلىك ءۇشىن جاڭا مۇمكىندىكتەر سىيلاپ وتىر.
ۇيدە وتىرىپ, زەرىكپەس ءۇشىن Netflix, Amazon Prime سىندى الىپ قىزمەت كومپانيالارىنىڭ جەڭىلدىكتەرىنەن كەيىن ىزىنشە وزگە دە سايتتار ونلاين رەجيمدە اقپارات الۋدى وڭايلاتا باستادى. وسى ورايدا مادەنيەت مەن ادەبيەت, ونەر, عىلىم-ءبىلىم باعىتىنداعى, سونداي-اق ءوزىن ءوزى دامىتۋ بويىنشا كوپتەگەن اشىق دەرەككوزدەردى توپتاستىرىپ, ۇسىنىپ وتىرمىز.
Englishdom.com
«ولارعا ونلاين رەجيمدە وقۋعا جانە EdTech ءبىلىم بەرۋ تەحنولوگياسىن تولىق پايدالانۋعا مۇمكىندىك بەرۋ ءۇشىن ءبىز 3 اي بويى ED Words قىزمەتىنە قول جەتىمدىلىكتى اشامىز», دەيدى EnglishDom ديرەكتورى ماكسيم سۋندالوۆ.
اعىلشىن تىلىندەگى سوزدەردى ءۇش اي بويى تەگىن ۇيرەنۋ ءۇشىن, EDWords سايتىنداعى اعىلشىن ۇيرەنۋ باعدارلاماسىن App Store نەمەسە Google Play دۇكەنىنەن جۇكتەپ الۋ كەرەك. سودان كەيىن تىركەلىپ, پروفيلگە ءوتىپ, ed_free پروموكودتى ەنگىزىڭىز.
ۆەنا وپەراسى, نيۋ-يورك مەتروپوليتەن-وپەرا تەاترى جانە وتاندىق ART & Shock, مۇحتار اۋەزوۆ اتىنداعى قازاق مەملەكتتىك اكادەميالىق دراما تەاترى
كىرۋ ۋاقىتى: 16 ناۋرىز / 17 ناۋرىز 20:30 (ART جانە Shock)
قازىر مادەني ورىندارعا كارانتين جاريالانعالى بەرى, «اساۋعا تۇساۋ» سالىنعانداي تەاتردان قول ءۇزىپ, كوندىگە الماي جاتقانىمىز راس. بىراق ونەرگە ىنتىق جاندار ءۇشىن قۋانىشتى جاڭالىقتار بارشىلىق. ۆەنا وپەراسى مەن نيۋ-يورك مەتروپوليتەن-وپەرا تەاترى سىزدەر ءۇشىن HD سپەكتاكلدەرىن ۇسنىپ وتىر. سىزگە تەك سايتقا كىرسەڭىز جەتكىلىكتى. قۇشتارلىققا تولى كارمەننىڭ تارتىستى ويىنىن نەمەسە كۇللى الەمنىڭ وپەرا تەاترلارىنىڭ تورىنەن تۇسپەيتىن «تراۆياتا» وپەراسىن تاماشالاي الاسىز.
بۇنداي جاعىمدى ۇردىستەن ءوزىمىزدىڭ وتاندىق تەاترلار دا شەت قالمادى. العاشقىلاردىڭ ءبىرى بولىپ teatrartishock تەاترىنىڭ Youtube ارناسىندا «ER-TÖSTIK» سپەكتاكلىنىڭ العاشقى ونلاين-ترانسلياتسياسىن وتكىزدى. بۇل قاتاردا مۇحتار اۋەزوۆ اتىنداعى قازاق مەملەكتتىك اكادەميالىق دراما تەاترى دا بار. Youtube-تەگى Auezov Theatre ارناسى كورەرمەندەرىن اپتا سايىن جاڭا قويىلىممەن قۋانتپاق.
بيتريكس24
كىرۋ مەرزىمى: 5 ناۋرىزدان باستاپ
قازىر جۇمىس بەرۋشىلەر ءۇشىن كومپانيانى قاشىقتان جۇمىس ىستەۋ تارتىبىنە كوشىرۋ قىزىپ تۇر ءارى قاجەتتىلىك. سوندىقتان, Bitrix24 ۆەب-سايتى تەك قانا تەگىن ەمەس, سونىمەن قاتار قولدانۋشىلار سانى جاعىنان شەكتەۋسىز. ەگەر بۇعان دەيىن تەك 12 پايدالانۋشىنى تەگىن قوسۋعا بولاتىن بولسا, قازىر مىڭداعان كومپانياعا دەيىن قوسىلۋعا مۇمكىندىك بەرىلدى.
باعدارلامانىڭ ارتىقشىلىعى سول بارلىق اقپارات مەسسەندجەرلەر اراسىندا جوعالمايدى جانە قۇجات اينالىمى, اقپارات الماسۋ وڭتايلاندىرىلعان.
Google G Suite نەمەسە Microsoft توپتارى
كىرۋ مەرزىمى: 5 ناۋرىزدان باستاپ
IT الپاۋىتتارى قولدانۋشىلار الدىنداعى الەۋمەتتىك جاۋاپكەرشىلىكتى سەزىنە وتىرىپ, G Suite جانە Teams جيىنتىعىن اشىق ەتتى. بۇل كومپانيالارعا, ۋنيۆەرسيتەتتەرگە جانە باسقا دا ءىرى قاۋىمداستىقتارعا پروگرەسكە جول اشا وتىرىپ, ءاردايىم بايلانىستا بولۋعا مۇمكىندىك بەرەدى. مىسالى, G Suite-دە بارلىق جازبالاردى ساقتاي وتىرىپ, 250 ادامعا دەيىن كونفەرەنتسيالار جاساي الاسىز. Teams الاڭىندا مايكروسوفتتىڭ بارلىق قوسالقى باعدارلامالارىن قولدانۋعا بولادى جانە ءبىر ۋاقىتتا بايلانىسا الادى.
Call of Duty: Warzone
كىرۋ مەرزىمى: 10 ناۋرىزدان باستاپ
جاقسى ويلاستىرىلعان ينتەرفەيسى بار جەلىلىك ويىن كۇنىڭىزدى قىزىقتى ەتە تۇسەدى. مىسالى, Activision كومپانياسىنىڭ جاڭا ءونىمىن قازىردىڭ وزىندە 15 ميلليوننان استام ويىنشى باعالاپ ۇلگەرگەن. ءبۇرىن-سوڭدى ويناپ كورمەگەن بولساڭىز, سىلتەمەنى باسىپ كورىڭىز. ارا-تۇرا ويىن ويناپ تۇرعاننىڭ زيانى بولماس.
Premier, ivi جانە Okko ونلاين كينوتەاترلارى
رەسەيلىك ورتالىقتار كينوسۇيەر قاۋىمدى قولداۋ ماقساتىندا بىرقاتار مۇمكىندىكتەر بەرىپ وتىر. ولار ءتىپتى @OkkoBro_bot اتتى تەلەگرام بوت قۇرىپ, قولدانۋشىلارعا كەڭەس بەرىپ, جازىلۋ پاكەتىن بەرىپ جاتىر. ەشقايدا اسىقپاساڭىز, كوكەيدە جۇرگەن فيلمدەر مەن تەلەشوۋلاردى كورىپ تاستايتىن ۋاقىت كەلدى.
China National Knowledge Infrastructure (قىتاي ۇلتتىق ءبىلىم ينفراقۇرىلىمى)
كىرۋ مەرزىمى: 29 اقپان - 1 شىلدە
قىتايدىڭ تسينحۋا ۋنيۆەرسيتەتى كارانتين ۋاعىندا قىتايدىڭ بارلىق جاريالانعان زەرتتەۋلەرى مەن كوروناۆيرۋسقا قاتىستى مالىمەتتەرمەن تانىسۋ ءۇشىن عىلىمي بازانى كوپشىلىككە تەگىن ۇسىنىپ وتىر. سوڭعى زەرتتەۋ جۇمىستارىنىڭ وڭ ناتيجەسىن باقىلاپ, جاعدايدى باعامداي وتىرىڭىز!
Coursera
كىرۋ مەرزىمى: 12 ناۋرىزدان 31 ماۋسىمعا دەيىن
Coursera-دا امەريكا مەن ەۋروپانىڭ جەتەكشى ۋنيۆەرسيتەتتەرى قۇراستىرعان ميلليونداعان كۋرستاردى تاۋىپ, الا الاسىز. اشىق الاڭ فيزيكا, مەديتسينا, بيولوگيا, ماتەماتيكا, ينفورماتيكا, ەكونوميكا جانە بيزنەس كۋرستارىن قامتيدى. ودان بولەك ونەر مەن گۋمانيتارلىق باعىتتاعى ساباقتار بار. كۋرستاردىڭ ۇزاقتىعى شامامەن التى-ون اپتانى قۇرايدى, اپتاسىنا 1-2 ساعات ۆيدەو دارىستەر, كۋرستارعا تاپسىرمالار, اپتالىق جاتتىعۋلار, كەيدە قورىتىندى جوبا نەمەسە ەمتيحان كىرەدى.
الپينا باسپاسى
كىرۋ مەرزىمى: 17 ناۋرىزدان باستاپ رەسەي فەدەراتسياسىنداعى كارانتيننىڭ سوڭىنا دەيىن
كورسەتىلەن سايتقا GIFT_STAYHOME كودىن قولدانا وتىرىپ, الپينا باسپاسىنان شىققان iOS جانە Android قوسىمشالارىندا ءتۇرلى تاقىرىپ بويىنشا 70 شاقتى ەلەكتروندى كىتاپتى جۇكتەي الاسىز.