تۇركىستان وبلىسىندا الەۋمەتتىك ماڭىزى بار ازىق-ت ۇلىك تاۋارلارىنىڭ ءتيىستى قورىن قالىپتاستىرىپ, باعاسىن تۇراقتاندىرۋ ماقساتىندا سۋپەرماركەتتەر مەن وندىرۋشىلەرگە جىلدىق 0,01 پايىزدىق مولشەرلەمەمەن ءبىر جىلعا نەسيە بەرىلەدى.
وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق كاسىپكەرلەر الەۋمەتتىك پالاتاسىنىڭ ديرەكتورى باعلان جۇماشبەكوۆ قورعا قاجەتتى تاۋارلاردى ساتىپ الۋ بويىنشا 650 ملن تەڭگەگە جۋىق قارجى قاراستىرىلعانىن حابارلادى.
«اينالىم قاراجاتى» جوباسىن جۇزەگە اسىرۋ اياسىندا ءبىرىنشى كەزەكتە تۇركىستان, كەنتاۋ جانە ارىس قالالارى اكىمدىكتەرى ۇسىنعان 10 كاسىپكەرلىك سۋبەكتىسىنە نەسيە بەرۋ ماسەلەسى پىسىقتالۋدا. نەسيە «تۇركىستان» اكك» اق دەپوزيتىنە سالىنعان قاراجات ەسەبىنەن بەرىلەدى» دەدى باعلان شايمەردەن ۇلى.
بۇدان بولەك تۇراقتاندىرۋ قورى 1 500 توننا شاماسىندا ازىق-ت ۇلىك تاۋارلارىن مەملەكەتتىك ساتىپ الۋعا ءتيىستى كونكۋرس جاريالاعان. «تۇركىستان» اكك» اق تۇركىستان قالاسىنىڭ اكىمدىگىمەن, وبلىستىق اۋىل شارۋاشىلىعى باسقارماسىمەن, سونداي-اق, كاسىپكەرلىك سۋبەكتىمەن الەۋمەتتىك ماڭىزى بار تاۋارلار باعالارىن تۇراقتاندىرۋ بويىنشا بىرلەسكەن قىزمەت تۋرالى كەلىسىم جاساعان. وسى كەلىسىم اياسىندا تاۋارلار باعاسىنىڭ كوتەرىلۋىن بولدىرماۋعا جانە ازىق-ت ۇلىك تاۋارلارىمەن ۇزدىكسىز قامتاماسىز ەتۋگە باعىتتالعان بىرلەسكەن شارالار كەشەنى جوسپارلانعان.