تۇركىستان وبلىسىندا اتاۋلى الەۋمەتتىك كومەك سوڭعى وزگەرىستەر بويىنشا ءار توقسان سايىن تاعايىندالىپ, ءتيىستى كولەمدە بەرىلىپ كەلەدى. ال كەپىلدەندىرىلگەن الەۋمەتتىك توپتاما جۋىردا تاراتىلا باستادى.
كەپىلدەندىرىلگەن الەۋمەتتىك پاكەتتىڭ ەكى ءتۇرى بار, ولار بالانىڭ جاسىنا بايلانىستى. ماسەلەن, 1 جاستان 6 جاسقا دەيىنگى بالالار ءۇشىن ازىق-ت ۇلىك تاۋارلارى مەن تۇرمىستىق حيميا تاۋارلارى قاراستىرىلعان. دەنساۋلىق ساقتاۋ مينيسترلىگى ۇسىنعان ازىق-ت ۇلىك جيىنتىعىن بالالار اي سايىن الاتىن بولادى. 6 جاستان 18 جاسقا دەيىنگى بالالار ءۇشىن ىستىق تاماق, مەكتەپ كيىمدەرى مەن وقۋ قۇرالدارىن ساتىپ الۋ, جول ءجۇرۋ شىعىندارىن وتەۋ, سونداي-اق تەگىن مەديتسينالىق قىزمەت كورسەتۋ قاراستىرىلعان. مەكتەپ جاسىنداعى بالالارعا الەۋمەتتىك توپتاما وقۋ جىلىنىڭ سوڭىنا دەيىن مەكتەپ تاراپىنان بەرىلەدى. ال ازىق-ت ۇلىك جيىنتىعى مەن حيميالىق تاۋارلار بۇگىندە جەرگىلىكتى اتقارۋشى ورگاندار ارقىلى ۇلەستىرىلۋدە.
مىسالى, سوزاق اۋدانىندا از قامتاماسىز ەتىلگەن وتباسىلارعا كەپىلدەندىرىلگەن الەۋمەتتىك پاكەتكە 929 بالانىڭ قۇقىعى بار. كومەكتى ۇلەستىرىپ بەرۋ مىندەتى سوزاقتىق "بەن-ستروي-سەرۆيس" جشس-ىنە جۇكتەلىپتى. ولار وتاندىق ءتاۋاروندىرۋشى كومپانيالارمەن كەلىسىمشارتقا وتىرىپ, اتالعان كومەكتى دەر كەزىندە ۇلەستىرۋدە. اۋدان اكىمدىگىنىڭ جۇمىسپەن قامتۋ جانە الەۋمەتتىك باعدارلامالار ءبولىمىنىڭ باسشىسى ابدۋاحات باكىروۆتىڭ ايتۋىنشا, الەۋمەتتىك كومەك الاتىن 1074 وتباسى بار. سول وتباسىلاردا تاربيەلەنىپ جاتقان 929 بالانى ازىق-ت ۇلىك پەن گيگيەنا قۇرالدارىمەن قامتاماسىز ەتۋ ءۇشىن 86 ملن تەڭگە قارالعان.
ال ماقتاارال اۋدانىندا 2020 جىلدىڭ ءى توقسانىندا 1859 وتباسىعا ااك تاعايىندالعان. وسى وتباسىلاردان شىققان 1-6 جاس ارالىعىنداعى 1843 بالاعا كەپىلدەندىرىلگەن الەۋمەتتىك پاكەتتەر تاراتىلۋدا. سونداي-اق 6-18 جاس ارالىعىنداعى 3 مىڭنان اسا بالا مەكتەپتە ىستىق تاماقپەن قامتىلاتىن بولادى.
تۇركىستان وبلىسى