كەلەس اۋدانى بىرتىلەك اۋىلىندا قاديروۆتار وتباسىندا ۇشەم دۇنيەگە كەلدى. بۇعان دەيىن ەكى ۇل, ءبىر قىز تاربيەلەپ وتىرعان ۇشەمدەردىڭ اناسى ەتيبور قاديروۆا وبلىستىق №1 پەريناتالدى ورتالىقتا بوسانعان.
الي, ۋسمان, ۋمار ەسىمدى نارەستەلەر 1700, 1700 جانە 1800 گرامم سالماقپەن دۇنيە ەسىگىن اشقان. وتاعاسى ازامات اۋىلداعى وتباسىلىق 1,5 گەكتار جەرگە ەگىن ەگىپ, شارۋاشىلىقپەن اينالىسادى. كەلەس اۋدانىنىڭ اكىمى اقمەنتاي ەسباەۆ ۇشەمدەردىڭ جاعدايىن ءبىلىپ, سىيلىق تابىستادى.
بۇل كەلەس اۋدانى قايتا قۇرىلعالى دۇنيە ەسىگىن اشقان ءۇشىنشى ۇشەم. اۋدان اكىمى ۇشەمدەرگە مەديتسينالىق كومەكتىڭ ۋاقىتىلى كورسەتىلۋىن قاداعالاۋدى اۋىل اكىمىنە تاپسىرىپ, الەۋمەتتىك جاعدايى بويىنشا ماسەلەلەر تۋىنداسا كومەك كورسەتىلەتىنىن جەتكىزدى.
تۇركىستان وبلىسى