تۇركىستان وبلىسى كليماتىنىڭ جايلىلىعى مەن توپىراعىنىڭ قۇنارلىعىن ەەرتتەپ-زەردەلەگەن يزرايل ەلىنىڭ عالىمدارى جىلىنا بىرنەشە رەت ءونىم جيناۋ ادىسىنە اسا قىزىعۋشىلىق تانىتۋدا. يزرايل مەملەكەتىنىڭ جالپى اۋماعى تۇركىستان وبلىسىنىڭ 6/1 بولىگىن قۇرايدى ەكەن. سوعان قاراماستان, جىلىنا 1 ملرد اقش دوللارىنىڭ اۋىل شارۋاشىلىعى ونىمدەرىن وندىرەدى.
بىرنەشە رەت ءونىم الۋ ءتاسىلى ارقىلى 1 گەكتار جەردەن جىلىنا 6-7 ملن تەڭگەگە دەيىن تابىس تابۋعا بولادى. تۇركىستان وبلىسىندا وتكەن جىلى قولعا الىنعان بۇل ءادىستى ءارى قاراي دامىتۋ ماقساتىندا ءار اۋىلدىق وكرۋگتە كەمىندە 10 جوبادان ىسكە اسىرۋ كوزدەلىپ وتىر. قازىردىڭ وزىندە وڭىردە 600-دەن استام شارۋا قوجالىعى ءبىرىنشى ءونىم ەگىنىنە كىرىسكەن. بۇل تۋرالى كەلەس اۋدانىندا وتكەن ء«بىر القاپتان جىلىنا 2-3 ءونىم الۋ – كوكونىس شارۋاشىلىعىن دامىتۋدىڭ نەگىزى» اتتى سەمينار-كەڭەستە ايتىلدى. جيىنعا وبلىس اكىمى ومىرزاق شوكەەۆ, يزرايل – قازاقستان ساۋدا-ونەركاسىپ پالاتاسىنىڭ توراعاسى ميحايل روەگە, عالىمدار, اۋدان, قالا, اۋىل وكرۋگتەرى اكىمدەرى, اگروقۇرىلىم باسشىلارى مەن كاسىپكەرلەر قاتىستى. «ەلباسى نۇرسۇلتان نازارباەۆ, مەملەكەت باسشىسى قاسىم-جومارت كەمەل ۇلى قازاقستاننىڭ اگروونەركاسىپ كەشەنىنىڭ الدىنا سالاداعى ەڭبەك ونىمدىلىگى مەن قايتا وڭدەلگەن اۋىل شارۋاشىلىعى ونىمدەرىنىڭ ەكسپورتىن 5 جىلدا 2,5 ەسەگە ارتتىرۋ مىندەتىن قويدى. وسى ورايدا, تۇركىستان وبلىسىنىڭ تابيعي-كليماتتىق جاعدايىن, مۇمكىندىگىن ەسكەرە وتىرىپ, 2019 جىلى ء«بىر القاپتان جىلىنا 2-3 ءونىم الۋ» جوباسىن قولعا العان بولاتىنبىز. ناتيجەسىندە, 3 ملرد تەڭگەگە 107 جوبا ىسكە اسىپ, 39 ملرد تەڭگە بولاتىن اۋىل شارۋاشىلىعى ونىمدەرى ءوندىرىلدى. قوسىمشا 364 جۇمىس ورنى اشىلدى», – دەدى جيىن بارىسىندا وبلىس اكىمى ومىرزاق شوكەەۆ.
وڭىردە جاڭبىرلاتىپ, تامشىلاتىپ سۋعارۋ تەحنولوگياسىن ەندىرۋ شىعىنىنا تولەنەتىن سۋبسيا كولەمىن 400 مىڭ تەڭگەگە دەيىن ۇلعايتۋ كوزدەلىپ وتىر. بارلىق تىڭايتقىشتار, گەربيتسيدتەر تۇرلەرىنىڭ 50 پايىزىن سۋبسيديالاۋ باستالعان. بۇعان بيىل العاش رەت پەستيتسيدتەر, ينسەكتيتسيدتەر دە قوسىلدى. سەمينار-كەڭەس بارىسىندا اۋىل شارۋاشىلىعى تاۋار وندىرۋشىلەرىنە تىڭايتقىشتار, گەربيتسيدتەر جانە اۋىل شارۋاشىلىعى تەحنيكالارىن جەتكىزۋشىلەر ونىمدەرى تانىستىرىلدى.
تۇركىستان وبلىسى