بۇگىنگى تاڭدا, وبلىستىق توتەنشە جاعدايلار دەپارتامەنتىنىڭ ءورت ءسوندىرۋ قىزمەتىندە 167 ارنايى تەحنيكا بار. سوڭعى ءۇش جىلدا دەپارتامەنتتىڭ ماتەريالدىق بازاسىن نىعايتۋ ماقساتىندا وبلىستىق بيۋدجەت قارجىسىنا 66 تەحنيكا الىنعان.
كۇنى كەشە دەپارتامەنت قىزمەتكەرلەرىنە وبلىس اكىمى ومىرزاق شوكەەۆ 20 جاڭا ءورت ءسوندىرۋ اۆتوكولىگىنىڭ كىلتىن تابىس ەتتى. رەسەيلىك زاۋىتتان ارنايى تاپسىرىسپەن الدىرىلعان تەحنيكا زاماناۋي قۇرال-جابدىقتارمەن تولىق قامتىلعان.
«سىزدەردىڭ ەڭبەكتەرىڭىز ادال. قاۋىپتىڭ بەل ورتاسىندا ءجۇرىپ توتەنشە جاعدايلارمەن ءتيىمدى كۇرەس جۇرگىزىپ كەلەسىزدەر. وسى ۋاقىتقا دەيىن كوپتەگەن جەتىستىكتەرگە قول جەتكىزدىڭىزدەر. اپاتپەن كۇرەستە جوعارعى كاسىبيلىك جانە جانقيارلىق ەڭبەكتەرىڭىزگە العىس ايتامىز», دەدى قۇتتىقتاۋ سوزىندە وبلىس اكىمى.