كوكتەم شىققالى سارىاعاشقا ساپارلاۋشىلار كوبەيە تۇسكەن. اسىرەسە, كوكونىس ءوسىرىپ, ناپاقا تاپقىسى كەلەتىن, ەرتە كوكتەمگى داقىلداردىڭ كوشەتتەرىن ىزدەۋشىلەردىڭ قاراسى مول. بۇل ورايدا 1 گەكتار جىلىجايدا كوشەت دايىنداۋمەن اينالىساتىن سارىاعاش اۋدانى جىبەكجولى اۋىلدىق وكرۋگىندەگى «Agro Tur» شارۋا قوجالىعى كوپشىلىكتىڭ سۇرانىسىن ەسكەرە جۇمىس ىستەۋدە.
بارلىق قۇرال-جابدىقتارى تۇركيادان اكەلىنگەن جىلىجاي جىلىنا 5-6 ملن ءتۇپ كوشەت وندىرۋگە قاۋقارلى. جوبانىڭ قۇنى – 280 ملن تەڭگە. قوجالىق يەسى تۇرسىن تاسحودجاەۆ تۇرىك ارىپتەستەرىمەن كەلىسىمشارتقا تۇرىپ, وسى ءبىر اۋقىمدى جوبانى ىسكە اسىرىپ وتىر. ايتا كەتەرلىگى, مۇنداعى كوشەت ەگۋ, ءوسىرۋ, كۇتىپ-باپتاۋ, سۋارۋ سەكىلدى جۇمىستىڭ ءبارى كومپيۋتەرلەنگەن. ياعني, سوڭعى ۇلگىدەگى اۆتوماتتاندىرىلعان جۇيەدە جۇمىس ىستەيدى. سول سەبەپتى قول كۇشىن دە اسا قاجەت ەتپەيدى. كاسىپورىن بۇگىنگە دەيىن 2 ملن ءتۇپ كوشەت تۇرلەرىن ءوسىرىپ, ساۋدالاپ ۇلگەرىپتى.
«جىلىجاي سوڭعى ۇلگىدەگى زاماناۋي قۇرال-جابدىقتارمەن جابدىقتالعان. سوندىقتان ءبىزدىڭ مۇمكىندىكتەرىمىز دە وراسان. ءبىر مەزەتتە بىرنەشە ءتۇپ كوشەتتى وسىرۋگە تاپسىرىس الا الامىز. قازىرگى تاڭدا شىمكەنت قالاسى مەن تۇركىستان وبلىسىنىڭ بىرقاتار اۋداندارىنىڭ شارۋالارىنان تاپسىرىس الىپ, تولىق ورىنداپ بەردىك. الداعى ۋاقىتتا قازاقستاننىڭ بارلىق وبلىس قالالارىنان دا تاپسىرىستار الۋدى جوسپارلاپ وتىرمىز», – دەيدى قوجالىق توراعاسى. ياعني شارۋا قوجالىعى تاپسىرىستى تولىق ورىنداۋ ءۇشىن كوشەت سانىن 8-9 ملن تۇپكە دەيىن ۇلعايتۋدى كوزدەپ وتىر.
تۇركىستان وبلىسى