تۇركىستان قالاسىندا «پارتيا كۇنىنە» وراي ازاماتتاردى ساياسي ۇيىم قاتارىنا قابىلداۋعا ارنالعان سالتاناتتى ءىس-شارا ءوتتى. جيىندا «Nur Otan» پارتياسى تۇركىستان وبلىستىق فيليالى توراعاسىنىڭ ءبىرىنشى ورىنباسارى بەيسەنباي تاجىباەۆ ءوڭىردىڭ تۇكپىر-تۇكپىرىنەن كەلگەن 27 تۇرعىنعا پارتيا كۋالىگى مەن توسبەلگىسىن تاپسىردى.
«بۇگىن پارتيا قاتارى ءوز سالاسى بويىنشا جەمىستى ەڭبەك ەتىپ جۇرگەن بەلسەندى ازاماتتارمەن تولىعىپ جاتىر. ءبىز جەرگىلىكتى ءماسليحاتتاردا ءتۇرلى سالا وكىلدەرىنىڭ بولعانىن قالايمىز. بۇرىن دەپۋتاتتاردىڭ باسىم بولىگى كاسىپكەرلەر بولسا, ەندى بۇل قاتارعا الەۋمەتتىك سالا قىزمەتكەرلەرى, ءبىلىم, مەديتسينا, مادەنيەت جانە وزگە دە سالا وكىلدەرى قوسىلادى دەگەن سەنىم بار. ساياسي جۇمىستا قىز-كەلىنشەكتەر مەن جاستار قاتارى دا ارتادى. ءماسليحاتتا قوعامنىڭ ءارتۇرلى تارماقتارىنىڭ وكىلدەرى بولۋى, ولاردىڭ ءۇنى ەستىلۋى ءتيىس. ەندى ەلىمىزدە پارتيالىق پرايمەريز وتەدى. سول ساياسي ناۋقانعا قاتىسىپ, ەلدىك ماسەلەلەرگە ارالاسۋعا مۇمكىندىكتەرىڭىز بار. پارتياعا اركىم جۇرەك قالاۋىمەن, شىنايى نيەتپەن كەلەدى», دەدى ب. تاجىباەۆ.
سونداي-اق سالتاناتتى جيىندا قازىعۇرت اۋداندىق اۋرۋحاناسى باس دارىگەرىنىڭ ورىنباسارى ن.بورانباەۆا, تۇلكىباس اۋدانى, ءا.مولداعۇلوۆا اتىنداعى جالپى ورتا مەكتەبىنىڭ مۇعالىمى ا.كوشەرباي Nur Otan پارتياسىنا قابىلدانعانىنا قۋانىشتى ەكەنىن جەتكىزدى. كوپبالالى انالار – تۇلكىباستىق ق.تۇرانقۇلوۆا مەن تۇركىستاندىق س.بوجبانباەۆا دا پارتيا قاتارىن تولىقتىردى.
بۇگىندە تۇركىستان وبلىسىندا Nur Otan پارتياسىنىڭ 85 مىڭنان استام مۇشەسى بار. وتكەن جىلدان باستاپ 2020 جىلدىڭ اقپان ايىنا دەيىن پارتيا قاتارىنا 5 مىڭنان استام ادام قابىلدانىپ, 8 مىڭنان استام ادام شىعارىلعان. جالپى, پارتيا فيليالىنىڭ ءباسپاسوز قىزمەتى حابارلاعانداي, 28 اقپاندا وبلىس بويىنشا اۋدان, قالالاردا 122 ادامعا پارتيا كۋالىگى تاپسىرىلدى.
تۇركىستان وبلىسى