تۇركىستانداعى الەۋمەتتىك دۇكەندەر مەن «شاپاعات», «داستارقان», «بايتەرەك», «بەرەكە», «داۋلەت» ساۋدا ورىندارىندا نان باعاسى - 75 تەڭگە بولسا, جۇمىرتقا - 26-28 تەڭگە, كارتوپ پەن قىرىققاباتتىڭ كەلىسى - 89 تەڭگە, پياز - 56, ءسابىز - 76, قانتتىڭ كەلىسى - 205 تەڭگەدەن ساتىلۋدا.
حالىق كۇندەلىكتى تۇتىناتىن تاۋارلاردىڭ باعاسىن تۇراقتاندىرۋ ماقساتىندا نۇرلان بايعۇت باسشىلىق ەتەتىن وبلىستىق كاسىپكەرلىك جانە ساۋدا باسقارماسىنىڭ ۇيىمداستىرۋىمەن بىرقاتار ءىس-شارالار قولعا الىنعان. مىسالى, باسقارما وكىلدەرى كاسىپكەرلەرمەن الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن نەگىزسىز كوتەرمەۋ جونىندە جيىندار وتكىزىپ, ورتاق كەلىسىمگە كەلگەن. ناتيجەسىندە تۇرعىندار ازىق-ت ۇلىكتى بازار نارقىنان 15-20% تومەن باعادا ساتىپ الۋدا. سونداي-اق باسقارما مەن «تۇركىستان ااك» اق تۇراقتاندىرۋ قورىنىڭ ماماندارى ۇدايى ساۋدا ورىندارىن ارالاپ, حالىق كوپ تۇتىناتىن تاۋارلاردىڭ باعالارىنا باقىلاۋ جۇرگىزەدى. قازىرگى تاڭدا تۇركىستان قالاسىنداعى 14 الەۋمەتتىك دۇكەن مەن 5 ساۋدا ورتالىعىندا حالىق كوپ تۇتىناتىن 19 ءتۇرلى تاۋاردىڭ باعاسى باقىلاۋعا الىنعان. باعانى تۇراقتى ساقتاۋ ءۇشىن قور ساۋدا ورىندارىنا تاۋارلاردى جەتكىزىپ وتىرادى.
سونىمەن قاتار, الەۋمەتتىك ماڭىزى بار ازىق-ت ۇلىك تاۋارلارى باعاسىن رەتتەۋ ماقساتىندا تۇركىستان قالاسىنداعى «گۇلدەر» اللەياسىندا ايىنا 2 رەت اۋىل شارۋاشىلىعى ونىمدەرىنىڭ جارمەڭكەسى وتكىزىلۋدە.
تۇركىستان وبلىسى