باتىس قازاقستان وبلىسىندا پوليتسيا قىزمەتكەرىنە پارا ۇسىنباقشى بولعان جۇرگىزۋشىلەر ۇستالدى. جول ەرەجەسىن بۇزعان اۆتوكولىك يەلەرى وسى قۇقىقبۇزۋشىلىق ءۇشىن حاتتاما تولتىرعان پوليتسيا قىزمەتكەرلەرىنە اقشا ۇسىنىپ, جاۋاپكەرشىلىكتەن جالتارماق بولعان.
2020 جىلعى 13 اقپان كۇنى تۇنگى ساعات 02.30.-دا «Hyundai Accent» ماركالى اۆتوكولىگىنىڭ 1971 جىلى تۋعان جۇرگىزۋشىسى ج.مولداعاليەۆ كوشەسىنىڭ بويىندا جول ەرەجەسىن ورەسكەل بۇزىپ, «كىرۋگە تىيىم سالىنادى» دەگەن ايماققا كولىكپەن كىرىپ كەتكەن.
«اكىمشىلىك قۇقىق بۇزۋشىلىقتى بىردەن بايقاعان ورال قالالىق پوليتسيا باسقارماسى پاترۋلدىك پوليتسيا ءبولىمى ينسپەكتورلارى پوليتسيا كاپيتانى ر.وتەگەنوۆ جانە پوليتسيا لەيتەنانتى س.سىرىموۆ اۆتوكولىكتى توقتاتىپ, اكىمشىلىك زاڭنامانىڭ نورمالارىنا ساي ءتيىستى شارا قولدانۋ كەزىندە جۇرگىزۋشى ونى اكىمشىلىك جاۋاپكەرشىلىككە تارتپاۋ ءۇشىن لاۋازىمدى تۇلعاعا 2 مىڭ تەڭگە كولەمىندە پارا ۇسىنعان. پوليتسيا كاپيتانى ر.وتەگەنوۆ بۇل ءجايتتى باسشىلىققا باياندادى. ءسويتىپ, بقو پوليتسيا دەپارتامەنتى وزىندىك قاۋىپسىزدىك باسقارماسىنىڭ قىزمەتكەرلەرى امانجولوۆ كوشەسىندە ورنالاسقان «نۇر وتان» اكىمشىلىك عيماراتىنىڭ جانىندا الگى جۇرگىزۋشىنى پاراسىمەن بىرگە ۇستادى. قۇقىقبۇزۋشىعا اكىمشىلىك ءوندىرىس قوزعالدى» دەپ حابارلايدى پوليتسيانىڭ ءباسپاسوز قىزمەتى.
وسىعان ۇقساس وقيعا 2 اقپان كۇنى ورال قالاسىنداعى ن.نازارباەۆ داڭعىلىندا ورنالاسقان «دوستىق» ساۋدا ءۇيى جانىندا بولعان ەدى. ول جەردە دە پوليتسيا كاپيتانى ر.وتەگەنوۆ جول ەرەجەسىن بۇزعان «Lada-2110» ماركالى اۆتوكولىك يەسى ۇسىنعان 1 مىڭ تەڭگە پارادان باس تارتقان ەكەن. قازىر وسى فاكتى بويىنشا سوتقا دەيىنگى تەرگەۋ ءجۇرىپ جاتىر.
ال 30 قاڭتار كۇنى سىرىم دات ۇلى كوشەسىنىڭ بويىندا ورنالاسقان «ۆيكتوريا» قوناقۇيىنىڭ جانىندا ۆزۆود كومانديرى پوليتسيا اعا لەيتەنانتى نۇرجان گۋميروۆكە پاترۋلدىك اۆتوكولىك سالونىندا 5 مىڭ تەڭگە اقشا ۇسىنعانى ءۇشىن ورال قالاسىنىڭ 40 جاستاعى تۇرعىنى ۇستالعان بولاتىن.
باتىس قازاقستان