تۇركىستان وبلىسىنىڭ اكىمى ومىرزاق شوكەەۆ 2019 جىلدىڭ قورىتىندىسى بويىنشا حالىق الدىندا ەسەپ بەرۋ كەزدەسۋىندە تۇرعىنداردىڭ الەۋمەتتىك جاعدايىن جاقسارتۋ جانە ەكونوميكا مەن بيزنەسكە قولايلى جاعداي جاساۋ ارقىلى ءوڭىردى دامىتۋ باستى مىندەت ەكەنىن اتاپ ءوتتى. قورىتىندى جيىنعا 700-گە جۋىق وبلىس تۇرعىندارى كەلدى. كەزدەسۋ بارىسىندا وتكەن جىلعى جەتىستىكتەر مەن 2020 جىلى العا قويىلعان ايقىن جوسپارلارى باياندالدى.
«تۇركىستان وبلىسى قايتا قۇرىلعالى بەرى ايماقتىڭ 2019 جىلعى الەۋمەتتىك-ەكونوميكالىق دامۋىندا وڭ ديناميكا قالىپتاستى. وتكەن جىلى وبلىس بيۋدجەتى 561 ملرد تەڭگەدەن, جىل سوڭىنا دەيىن 778 ملرد تەڭگەگە جەتىپ, 217 ملرد تەڭگەگە نەمەسە 38%-عا ءوستى. بىرقاتار سالالار بويىنشا رەسپۋبليكادا كوشباسشىلار قاتارىنان كورىندىك. جالپى, وتكەن جىل – ءوڭىر ءۇشىن جەتىستىككە تولى جىل بولدى», دەگەن وبلىس اكىمى دامۋدىڭ ءتۇرلى سالالارى بويىنشا كورسەتكىشتەرگە توقتالدى.
ايتا كەتەلىك, كەزدەسۋ وتكىزىلىپ وتىرعان عيماراتتىڭ ءبىرىنشى قاباتىندا ارنايى جاشىكتەر قويىلعان. بۇل تىكەلەي سۇراق قويۋ مۇمكىندىگى بولماعان تۇرعىنداردىڭ ءوتىنىش, شاعىمدارىن سالۋعا قولايلى. بۇدان بولەك, سالالىق باسقارما باسشىلارى دا حالىقتى قابىلداۋدا. جىل قورىتىندىسىمەن تۇرعىندار تاراپىنان وبلىس اكىمدىگىنە جەر, الەۋمەتتىك, تۇرعىن ءۇي-كوممۋنالدىق شارۋاشىلىق جانە باسقا دا سالالارعا قاتىستى جالپى 4 134 ءوتىنىش كەلىپ تۇسكەن. اتالعان ماسەلەردى شەشۋ ءۇشىن ءتيىستى باسقارما باسشىلارى مەن اۋدان, قالا اكىمدەرىنە تاپسىرما بەرىلگەن. بۇدان بولەك, وبلىس اكىمى جانە ورىنباسارلارى 809 ازاماتتى جەكە قابىلداپ, ماسەلەلەرىن شەشۋگە اتسالىستى.