تۇركىستان وبلىسىنداعى سايرام اۋدانىندا شاعىن كاسىپكەرلىك جاقسى دامىعان. بۇل سالاداعىبەلسەندى كاسىپكەرلىك سۋبەكتىلەردىڭ سانى وتكەن جىلى 15118 بولعان, ياعني الدىڭعى جىلعا قاراعاندا 129 بىرلىككە كوبەيگەن. 66,2 ملرد تەڭگەونىم ءوندىرىلىپ, كاسىپكەرلىك سۋبەكتىلەرىنەن 3,4 ملرد تەڭگە سالىق تۇسكەن.
اۋدان حالقىنىڭ 38,1%-ى, ياعني 81,8 مىڭ ادام ەكونوميكالىق تۇرعىدان بەلسەندi, ونىڭ 77,6 مىڭى جۇمىسپەن قامتىلعان. جۇمىسسىزدار سانى 4166 ادامدى قۇراپ, جۇمىسسىزدىق دەڭگەيi 5,1 % بولىپ وتىر.اۋداندا بيىل جۇمىسسىزدىق دەڭگەيىن 4,9% دەيىن تومەندەتۋ باستى مىندەتتەردىڭ ءبىرى بولماق. «وسى ورايدا, ونەركاسىپ سالاسىندا وڭدەۋ ونەركاسىبىن دامىتۋ جانە بار رەزەرۆتەردى پايدالانۋ ەسەبىنەن قۇنى 2,9 ملرد تەڭگەگە 3 جوبا ىسكە اسىرىلىپ, 122 جاڭا جۇمىس ورىندارى اشىلادى. ودان بولەك, تۋريزم سالاسىندا «Ontustik thermal resort» جشس-ءنىڭ «وڭالتۋ, ساۋىقتىرۋ ورتالىعى» جوباسى ىسكە اسادى. اشىلاتىن جۇمىس ورنى 50 ادام», -دەدى اۋدان اكىمى ۇلاسبەك سادىبەكوۆ تۇرعىندار الدىندا بەرگەن ەسەبىندە. ال وتكەن جىلى شاعىن جانە ورتا بيزنەستە «بيزنەستىڭ جول كارتاسى – 2020» باعدارلاماسى اياسىندا 450,0 ملن تەڭگە كولەمىندە 10 جوباعا, «قاراپايىم زاتتار ەكونوميكاسى» اياسىندا 13 جوباعا 1,8 ملرد تەڭگەگە قولداۋ كورسەتىلگەن. ونەركاسىپ سالاسىندا قۇنى 2,0 ملرد تەڭگەلىك 6 ينۆەستيتسيالىق جوبا ىسكە قوسىلىپ, 166 جۇمىس ورنى اشىلعان. جۇمىسسىزدىق دەڭگەيىن تومەندەتۋ باعىتىندا بيىل «ەڭبەك» باعدارلاماسى اياسىندا جۇمىسپەن قامتۋدىڭ بەلسەندى شارالارىنا 8500 ازاماتتى تارتۋ كوزدەلۋدە.
اۋداندا وتكەن جىلى اتقارىلعان جۇمىس از ەمەس. ونەركاسىپ, اۋىل شارۋاشىلىعى جانە باسقا دا سالالاردا ىلگەرىلەۋشىلىك بار. دەگەنمەن جەر ماسەلەسى وتە وزەكتى. قازىرگى تاڭدا 17625 ازامات جەكە تۇرعىن ءۇي قۇرىلىسى ءۇشىن بولىنەتىن جەر ۋچاسكەسىن الۋعا كەزەكتە تۇر. ولارعا جەر ۋچاسكەسىن بەرۋ ءۇشىن شامامەن 3 مىڭ گەكتارعا جۋىق جەردى اۋىل شارۋاشىلىعى اينالىمىنان الۋ قاجەت. وسىنشاما جەر جەكە تۇرعىن ءۇي قۇرىلىسى ءۇشىن اۋىستىرىلاتىن بولسا, بىرقاتار شارۋا قوجالىقتارى مەن اۋىل تۇرعىندارى كۇن كورىسىنە جاراپ وتىرعان ەگىنشىلىگىنەن اجىراپ قالادى. «اۋدان تۇرعىندارىنىڭ نەگىزگى كاسىبى اۋىل شارۋاشىلىعى ماقساتىنداعى جەرلەردە ەگىنشىلىكپەن اينالىسۋ. سوندىقتان جەرگە قاتىستى ماسەلەلەردى شەشۋگە باعىتتالعان كەشەندى باعدارلاما دايىندالۋدا. اۋىل بيلەرى, شارۋا قوجالىقتارى, وندىرىستىك كووپەراتيۆتەر وكىلدەرىن تارتا وتىرىپ, ەلدى مەكەننىڭ ەرەكشەلىگىنە, سۇرانىسىنا قاراي ناقتى جاعدايى زەردەلەنىپ, جەرگە قاتىستى تۇيتكىل ماسەلەلەردىڭ ءتيىمدى تەتىگىن تابۋ جولدارى قارالادى», - دەدى ۇلاسبەك سادىبەكوۆ.
ەسەپ بەرۋ جيىنىنا كەلگەن تۇرعىندار تاراپىنان دا وسى ونداعان جىلدار بويى قوردالانىپ قالعان جەر ماسەلەسى كوپ كوتەرىلدى. اۋدان تۇرعىندارىنىڭ باسقا دا سۇراقتارىنا ناقتى جاۋاپ قايتارعان اۋدان اكىمى مەن جيىنعا قاتىسقان وبلىس اكىمىنىڭ ورىنباسارى ۇلان تاجىباەۆ بارلىق ماسەلە زاڭ شەڭبەرىندە قارالىپ, شەشىمىنە قاتىستى جاۋاپتار اقپارات قۇرالدارىندا جاريالاتىنىن ءمالىم ەتتى.