تۇركىستان وبلىسى بويىنشا وتكەن جىلى نەگىزگى كاپيتالعا سالىنعان ينۆەستيتسيا كولەمى 441 ملرد 214 ملن تەڭگە بولىپ, الدىڭعى جىلمەن سالىستىرعاندا 38,5%-عا ارتقان.
ينۆەستيتسيا سالىمدارىنىڭ باسىم بولىگى ونەركاسىپ جانە جىلجىمايتىن م ۇلىك سالالارىنا تيەسىلى. نەگىزگى ينۆەستيتسيالىق سالىمداردىڭ 85,3%-ىن (376 ملرد 207 ملن تەڭگەنى) شاعىن كاسىپورىندار جۇزەگە اسىرعان.
وڭىرلىك كوممۋنيكاتسيالار قىزمەتىندە وتكەن بريفينگتە وسىنداي دەرەكتەردى كەلتىرگەن وبلىستىق ستاتيستيكا دەپارتامەنتىنىڭ باسشىسى ايدار ابىلدابەكوۆ بىلتىر ونەركاسىپ ءوندىرىسىنىڭ كولەمى — 498 ملرد 347 ملن تەڭگە بولىپ, الدىڭعى جىلدىڭ سايكەس كەزەڭىمەن سالىستىرعاندا 5,3%-عا ارتقانىن اتاپ ءوتتى.
تيىسىنشە رەسپۋبليكاداعى وبلىستىڭ ونەركاسىپ ءونىم كولەمىندەگى ۇلەسى —1,7%. ال اۋىل, ورمان جانە بالىق شارۋاشىلىعى ونىمدەرىنىڭ جالپى كولەمى وتكەن جىلى 629 ملرد 816,2 ملن تەڭگە بولعان, ياعني 2018 جىلمەن سالىستىرعاندا 4,7%-عا ارتقان. اۋىل شارۋاشىلىعى ونىمدەرىنىڭ جالپى ۇلەسى بويىنشا وبلىس رەسپۋبليكادا 3-ءشى ورىندى يەمدەندى.