حالىقارالىق اگروونەركاسىپ كەشەنى سالاسىندا مامانداندىرىلعان امەريكالىق «Valmont Industries» كومپانياسى تۇركىستان وبلىسىندا جۇمىس ىستەۋگە نيەتتى.
سۋارۋ تەحنولوگيالارى وسىمدىك داقىلدارى ءونىمىن كوبەيتىپ, سۋ شىعىنىن 50 پايىزعا تومەندەتەتىن كومپانيا اۋىل شارۋاشىلىعىندا عانا ەمەس, ەنەرگەتيكا, كولىك, ساۋدا-ساتتىق, ازىق-ت ۇلىك بەلدەۋىن قالىپتاستىرۋدا دا بىرلەسە جۇمىس ىستەۋگە دايىن.
بۇل جونىندە تۇركىستان وبلىسىنىڭ اكىمى ومىرزاق شوكەەۆپەن كەزدەسۋىندە ينۆەستيتسيالىق جوبامەن تانىستىرعان «Valmont Industries» كومپانياسىنىڭ باسشىسى روبەرت گيللەن ءمالىم ەتتى.
كەزدەسۋ بارىسىندا تاراپتار جاڭبىرلاتىپ سۋارۋ ءتاسىلىن قولدانۋعا قاتىستى ەكىجاقتى ىنتىماقتاستىق پەن تاجىريبە الماسۋ جوسپارلارىن تالقىلادى.
مەحانيكالاندىرىلعان, جاڭبىرلاتىپ سۋارۋ جۇيەسىن قولدانۋ ارقىلى اۋىل شارۋاشىلىعى ونىمدەرىن ءوسىرىپ - باپتايتىن ماشينا-تراكتور ستانتسياسىن قۇرۋ ماسەلەسى دە ورتاعا سالىندى. وبلىس اكىمى وڭىردە ينۆەستورلار ءۇشىن قولايلى جاعدايلار جاسالعانىن, اكىمدىك تىعىز ىنتىماقتاستىققا, بىرلەسكەن جوبالاردى جۇزەگە اسىرۋعا دايىن ەكەنىن ءبىلدىردى. ء«وڭىرىمىزدىڭ كليماتى اۋىلشارۋاشىلىق ونىمدەرىن ءوسىرۋ ءۇشىن وتە قولايلى. جاڭبىرلاتىپ سۋارۋ ءادىسىن پايدالانۋ اۋىلشارۋاشىلىق سالاسىن دامىتۋعا ىقپال ەتەتىنىنە سەنىمدىمىن», - دەدى ومىرزاق شوكەەۆ.
كەزدەسۋ قورىتىندىسى بويىنشا ءوڭىر باسشىسى بىرلەسكەن جوبالاردى ىسكە اسىرۋ ءۇشىن جۇمىس توبىن قۇرۋدى جانە جاڭبىرلاتىپ سۋارۋ ءوندىرىسىنىڭ قۇرال-سايماندارىن ورناتۋ ءۇشىن قاجەتتى ينفراقۇرىلىمى بار لايىقتى جەر تەلىمىن ءبولۋدى تاپسىردى.