قازاقستاننىڭ تاۋەلسىزدىك مەرەكەسى كۇنى «سامرۇق-قازىنا» اق كومپانيالار توبىنىڭ «Samruk-KazynaTrust» الەۋمەتتىك جوبالاردى دامىتۋ قورى ورالدىقتارعا ەكى سپورت الاڭىن سىيعا تارتتى. جاڭا الاڭدار قالانىڭ «قۇس فابريكاسى» جانە «بالاۋسا» اۋداندارىندا ورنالاسقان.
سپورت الاڭدارى ءۇش بولىكتەن تۇرادى: جازدا – فۋتبول الاڭى, قىستا – حوككەي كورتىنا اينالاتىن قورشاۋلى الاڭ, بالالاردىڭ ويىن الاڭى جانە ءتۇرلى ترەناجەرلەر ورناتىلعان جاتتىعۋ الاڭى. ويىن الاڭىنا – جاساندى كوگال, قالعان الاڭدارعا جاراقات الماس ءۇشىن ارنايى رەزەڭكە جابىن توسەلگەن.
جاڭا سپورتتىق نىسانداردىڭ اشىلۋ سالتاناتىنا ارنايى كەلگەن ورال قالاسىنىڭ اكىمى ابات شىنىبەكوۆ قالا حالقىن تاۋەلسىزدىك مەيرامىمەن قۇتتىقتاپ, سپورتپەن دوس بولىپ, سالاۋاتتى ءومىر سۇرۋگە شاقىردى.
باتىس قازاقستان