باتىس قازاقستان وبلىسىنىڭ اقجايىق اۋدانىنا قاراستى جايىق «اقبۇلاق» باعدارلاماسى ارقىلى اۋىز سۋ كەلدى. وسى قۋانىشقا وراي وتكەن سالتاناتتى جيىنعا ءوڭىر باسشىسى عالي ەسقاليەۆ قاتىسىپ, تۇرعىنداردىڭقۋانىشىنا ورتاقتاستى.
- ەلىمىزدە اۋىل حالقىنىڭ ءال-اۋقاتىن كوتەرەتىنكوپتەگەن باعدارلاما جۇمىس ىستەپ جاتىر. بۇگىنگى قۋانىشتى شارا وسىنىڭ ايعاعى. اقجايىق اۋدانىنىڭ 52 ەلدى مەكەنىنىڭ 30-ى, ياعني, حالىقتىڭ 87,4 پايىزى سۋمەن قامتىلىپ وتىر. بيىلدىڭ وزىندە «وڭىرلەردى دامىتۋ» باعدارلاماسى اياسىندا شابدارجاپ, تومپاق اۋىلدارى تازا سۋمەن قامتىلدى. جىل سوڭىنا دەيىن بازارتوبە, قادىرقۇل, قىزىلجار اۋىلدارىن دا اۋىز سۋمەن قامتۋ جوسپارلانعان. كەڭسۋات اۋىلىندا دا قۇرىلىس جۇمىستارى باستالدى. وسىنىڭ ناتيجەسىندە اۋدان 95 پايىز تازا سۋمەن قامتىلاتىن بولادى, - دەدى وبلىس اكىمى عالي ناجىمەدەن ۇلى.
جايىق اۋىلىنا اۋىز سۋ جۇرگىزۋ جۇمىسى بيىلعى ءساۋىر ايىندا باستالىپ, قۇبىر تارتۋ ءىسىن «الفاسەرۆيسستروي» جشس جۇرگىزگەن. ۇزىندىعى 9,727 شاقىرىمدى قۇرايتىن سۋ قۇبىرىنىڭ يگىلىگىن اۋىلداعى 600-دەن استام تۇرعىن كورەتىن بولادى. جوباعا رەسپۋبليكا بيۋدجەتىنەن 139,3 ملن تەڭگە قاراجات بولىنگەن.