«Egemen Qazaqstan» رەسپۋبليكالىق گازەتى» اق باسقارما توراعاسى دارحان قىدىرالى باستاعان قازاقستاندىق دەلەگاتسيا ورىنبور قالاسىنداعى تاريحي ورىنداردى ارالادى.
سونىڭ ىشىندە «ۇشقىن» گازەتىنىڭ رەداكتسياسى بولعان عيمارات, 1919-1924 جىلدارى قىرعىز (قازاق) ورتالىق اتقارۋ كوميتەتى ورنالاسقان ءۇي, ۇلت ۇستازى احمەت بايتۇرسىن ۇلى تۇرعان, اعارتۋشى ىبىراي التىنسارين قىزمەت ەتكەن عيماراتتار بار.
قازاقستاننىڭ رەسەي فەدەراتسياسىنداعى ەلشىلىگىنىڭ كومەگىمەن, ورىنبور وبلىسى جانە قالاسى باسشىلارىنىڭ قولداۋىمەن «ۇشقىن» گازەتى رەداكتسياسى بولعان كونە عيماراتقا, قازىرگى لەنين كوشەسى 17 ءۇيدىڭ قابىرعاسىنا ەسكەرتكىش تاقتا ورناتۋ جونىندە كەلىسىمگە قول جەتكىزىلدى.