ارىس قالاسىندا قايىرىمدىلىق قوردىڭ ەسەبىنەن بوي كوتەرگەن «بالامەكەن» شاعىن اۋدانىنان 100 وتباسى جاڭا باسپاناعا يە بولدى.
قولدانىسقا بەرىلگەن ەكى وتباسىنا لايىقتالعان «دۋپلەكس» ءتيپتى 50 ءۇي تولىق اياقتالعان, ءارى اس ءۇي جيھازى مەن تۇرمىستىق تەحنيكامەن جابدىقتالعان. ءار ءۇيدىڭ اۋلاسىندا 10 سوتتىق جەر تەلىمى بار. قالالىق ينفراقۇرىلىمعا قوسىلعان جاڭا شاعىن اۋداندا تاس جول توسەلىپ, اياق جولدار سالىنعان. بالالاردىڭ ويىن الاڭى ورناتىلىپ, اعاشتار وتىرعىزىلعان. تۇركىستان وبلىسى اكىمىنىڭ ورىنباسارى قوسمان ايتمۇحامەتوۆ جانە بولات وتەمۇراتوۆ قورىنىڭ ديرەكتورى مارات ايتماعامبەتوۆ پەن «ۆەرنىي كاپيتال» كومپانيالار توبىنىڭ باس ديرەكتورى ەرلان وسپانوۆ جاڭا قونىس يەلەرىنە كىلتتەرىن سالتاناتتى تۇردە تابىس ەتتى.
شاعىن اۋداننىڭ قۇرىلىسىنا قايىرىمدىلىق قورى 850 ملن. تەڭگە بولگەن. جاڭا باسپانالار ارىستاعى اسكەري قويمادا جارىلعان وق-دارىلەردىڭ دۇلەي دۇمپۋىنەن بۇزىلعان ءۇي يەلەرىنە, كوپبالالى جانە الەۋمەتتىك از قامتىلعان وتباسىلارعا, تۇرعىن ۇيگە مۇقتاج مۇگەدەك جاندار مەن جالعىز باستى انالارعا بەرىلدى.
تۇركىستان وبلىسى