تۇركىستان جوعارى مەديتسينا كوللەدجىندە كوپبالالى وتباسىلاردان شىققان ستۋدەنتتەرگە اتاۋلى ستيپەنديا تاعايىندالدى. ۇزدىك وقيتىن ەكى ستۋدەنت وقۋ جىلىندا شاكىرتاقىدان بولەك 16 مىڭ تەڭگەدەن اتاۋلى ستيپەنديا الىپ وتىراتىن بولادى. ۇزدىكتەردى ىنتالاندىرۋ ەلىمىزدە جاريالانعان جاستار جىلىنا وراي ۇيىمداستىرىلىپ وتىر.
ايتا كەتەلىك, مەديتسينا كوللەدجىندە بۇگىنگى تاڭدا كوپبالالى وتباسىدان شىققان 1150, تۇل جەتىم 8 ستۋدەنت وقيدى. مەملەكەنتتىك گرانت نەگىزىندە ءبىلىم الاتىن جاستار 20-22 مىڭ تەڭگە كولەمىندە شاكىرتاقى الادى.
تۇركىستانداعىداي اتاۋلى شاكىرتاقى جەتىساي جوعارى مەديتسينا كوللەدجىندەگى ستۋدەنتتەرگە دە تاعايىندالىپ وتىر. ىزدەنىمپاز جاستارعا قولداۋ كورسەتىپ وتىرعان تۇركىستان وبلىستىق قوعامدىق دەنساۋلىق ساقتاۋ باسقارماسى مەن Densaulyq دەنساۋلىق ساقتاۋ ۇيىمى جۇمىسكەرلەرلىنىڭ جەرگىلىكتى كاسىپوداعى بۇل يگى ءىستى جىل سايىن جالعاستىرماق. ماسەلەن, وتكەن وقۋ جىلىندا كوپبالالى وتباسىنان شىققان ءتورت ستۋدەنتكە وسىنداي شاكىرتاقى ءبولىنىپ كەلگەن بولاتىن.
ارناۋلى ستيپەنديا الۋعا ىلىككەن تۇركىستان جوعارى مەديتسينا كوللەدجىنىڭ ستۋدەنتى ەركەعالي جاقسىلىق «ەمدەۋ ءىسى» ءبولىمىنىڭ, ال جاندوس باقىت «مەدبيكە ءىسى» بولىمىندە 3 كۋرسىندا ءبىلىم الۋدا. ەكى ستۋدەنت تە وقۋ ورنىندا ۇزدىك وقىپ قانا قويماي, قوعامدىق جۇمىستارعا بەلسەنە اتسالىسىپ كەلەدى. سونداي-اق ءتۇرلى وليمپيادالارعا, ءبىلىم باسەكەلەرىندە ۇلكەن جەتىستىكتەرگە قول جەتكىزگەن. قوعامدىق دەنساۋلىق ساقتاۋ باسقارماسى مەن كاسىپوداق ۇيىمىنىڭ باسشىلىعى تاعايىندالعان شاكىرتاقى جاستاردىڭ بىلىمگە دەگەن قۇشتارلىعىن ارتتىرىپ, وقۋ جىلى بارىسىندا ءتۇرلى قاجەتتىلىكتەرىن الۋعا سەپتىگىن تيگىزەدى دەگەن سەنىمدە.