مۇگەدەكتەرگە ارنالعان مۇمكىندىك

ء«ۇمىت» مۇگەدەكتەردى قولداۋ ورتالىعىنىڭ جۇمىسىمەن تانىسۋعا كەلگەن پارلامەنت ءماجىلىسىنىڭ قارجى جانە بيۋدجەت كوميتەتىنىڭ مۇشەسى يرينا سميرنوۆا جانە الماتى قالاسى كاسىپكەرلەر پالاتاسىنىڭ ديرەكتورى ناريمان ابىلشايىقوۆ «باستاۋ» جوباسى اياسىندا جەكە كاسىپ اشۋعا ماشىقتانىپ جاتقان جاندارمەن تانىسىپ, ولاردىڭ ۇسىنىس-پىكىرلەرىن تىڭدادى.  

دەپۋتات ي.سميرنوۆا ولاردىڭ قوعامنان وقشاۋ قالماي, كوزى كورمەي, قۇلاعى ەستىمەگەنىمەن, جەكە كاسىبىن باستاۋعا قۇلشىنىس ءبىلدىرىپ, وقۋ باعدارلاماسىن يگەرۋگە بارىنشا كۇش-جىگەرلەرىن سالىپ وتىرعاندىعىنا ريزاشىلىعىن ءبىلدىردى. ولاردىڭ قوعامنان تىس قالماي, ەرىكتىلەر قوزعالىستارى قاتارىندا بەلسەندى بولىپ ءجۇرۋى دەنى ساۋ ازاماتتارعا ۇلگى بولاتىن يگى ءىس.

الماتى قالاسى كاسىپكەرلەر پالاتاسىنىڭ ديرەكتورى ناريمان ابىلشايىقوۆ ءوز كەزەگىندە «باستاۋ» جوباسى بويىنشا ءبىلىم الۋعا ىنتا ءبىلدىرىپ, قوعامعا اۋىرتپاشىلىعىن ارتپاي, وزدىگىنەن جەكە كاسىبىن اشىپ, تابىس تابۋعا بەلەسەنە كىرىسكەن جاندارعا ءسات-ساپار تىلەي وتىرىپ, قالاداعى وقىتۋ باعدارلامالارىنىڭ بارىسىنا توقتالىپ ءوتتى.

اعىمداعى جىلدىڭ جەلتوقسان ايىنا دەيىن 3 كەزەڭ بويىنشا 4250 ادامدى وقىتۋ جوسپارلانىپ وتىرسا, «جاس كاسىپكەرلىك» باعىتىندا 2650 تالاپكەر ءبىلىم الاتىن بولادى. قازىرگى كەزدە قالادا 34 كلاسستىڭ جۇمىسى جولعا قويىلعان.  ونىڭ ءبىرى ء«ۇمىت» مۇگەدەكتەردى قولداۋ ورتالىعىندا بولسا, 7-ءۋى «باقىتتى وتباسى» كوپ بالالى انالار ورتالىعى جانىنان اشىلعان. باعدارلاما باستالعان ۋاقىتتان بەرى قالادا 7000-نان استام ادام كاسىپكەرلىك نەگىزدەرىن يگەرگەن. ولارعا 505 تەڭگە مولشەرىندە گرانت بولىنەتىن بولسا, ءوز بيزنەسىن دامىتۋ ءۇشىن 6 پايىزدىق نەسيە الۋعا مۇمكىندىگى دە قاراستىرىلىپ وتىر. مۇنداي ورتالىقتاردا مۇگەدەكتەر ءۇشىن سۋدواۋدارما جۇيەسى, قاجەتتى تەحنيكالىق جابدىقتار دا جاساقتالعان.

ء«ۇمىت» مۇگەدەكتەر ورتالىعىنىڭ ديرەكتورى امانبيكە ەرعاليەۆا ەستۋ جانە كورۋ قابىلەتى ناشار ادامدارعا ارنالعان مامانداندىرىلعان سىنىپقا بارۋ, وندا كاسىپكەرلىك نەگىزدەرىنە وقىتۋ جۇمىستارى ىمداۋ ءتىلىنىڭ تۇسىندىرمەسىن قولدانا وتىرىپ جۇزەگە اساتىندىعى مەن مۇندا پسيحولوگتار, بيزنەس دارىسكەرلەر سياقتى كاسىپقوي ماماندار جۇمىس ىستەيتىندىگىنە توقتالدى.

ال العاشقى كەزدە مۇگەدەك جاندارمەن جۇمىس ىستەۋدىڭ اسا قيىن بولعاندىعىن جەتكىزگەن بيزنەس دارىسكەر ايگۇل جايلىباەۆا ءاربىر ازاماتقا جەكە-جەكە كوڭىل ءبولىپ, ولاردىڭ وي-پىكىرىنە نازار اۋدارۋ ماڭىزدىلىعى تۋراسىندا ايتىپ وتسە, «باقىتتى وتباسى» الەۋمەتتىك ورتالىعى  الاتاۋ اۋدانى بويىنشا ۇيلەستىرۋشىسى كوپبالالى انا اقمارال باسيروۆا مۇمكىندىگى شەكتەۋلى بولا تۇرا جەكە كاسىبىن اشقىسى كەلەتىن ازاماتتارعا رۋحاني جانە ماتەريالدىق قولداۋ كورسەتۋ, ءارى بۇل ىسكە جەرگىلىكتى اكىمدىكتەردىڭ دە بەلسەنە قاتىسۋى اسا ماڭىزدى. ويتكەنى مۇدەگەك جاندارعا, كوپ بالالى جاعدايى ناشار انالارعا جان-جاقتى قولداۋ كورسەتۋ ولاردىڭ قوعامدا الەۋمەتتەنۋىنە بارىنشا ىقپال ەتەدى.

ء«ۇمىت» ورتالىعىنان كەيىن جۇمىس توبى «باستاۋ» ورتالىقتارىن ارالاپ, جەكە كاسىپ باستاعان كاسىپكەرلەردىڭ جۇمىستارىمەن تانىستى.

الماتى