«مولدا مۇسانىڭ ادەبي مۇراسى جانە سيرەك قورداعى ۇلتتىق قۇندىلىقتار» تاقىرىبىندا حالىقارالىق كونفەرەنتسيا ءوتتى.
باعزى زامانداردان بۇگىنگە جەتكەن حالىقتىڭ مول مۇراسىن ساقتاپ, جازبا جادىگەرلەردى حالىق رۋحانياتىنىڭ قاينار كوزىندەي ساقتاپ وتىرعان «عىلىم ورداسى» ورتالىق عىلىمي كىتاپحاناسىنىڭ سيرەك كىتاپتار مۋزەيىندە ءحىح عاسىردىڭ سوڭى مەن حح عاسىردىڭ باسىندا ءومىر سۇرگەن, ءماشھۇر اقىن مۇسابەك بايزاق ۇلىنىڭ تۋعانىنا 170 جىل تولۋىنا وراي ءوتتى. ايتۋلى ءىس-شارا سيرەك كىتاپتار, قولجازبالار جانە ۇلتتىق ادەبيەت ءبولىمىنىڭ قۇرىلعانىنا 60 جىل تولۋىمەن تۇسپا-تۇس كەلىپ وتىر.
كونفەرەنتسياعا قاتىسقان «عىلىم ورداسى» رمك باس ديرەكتورىنىڭ عىلىمي-يننوۆاتسيالار جانە حالىقارالىق بايلانىس جونىندەگى ورىنباسارى ن.سەيدىن, ورتالىق عىلىمي كىتاپحاگنا ديرەكتورى ق.قايماقباەۆا, م.اۋەزوۆ اتىنداعى ادەبيەت جانە ونەر ينستيتۋتى «قولجازبا جانە تەكستولوگيا» ءبولىمىنىڭ مەڭگەرۋشىسى ت.البەكوۆ, «ابايتانۋ جانە جاڭا ءداۋىر ادەبيەتى ءبولىمىنىڭ مەڭگەرۋشىسى س.قوراباي, «مۇسابەك بايزاق ۇلى» قق اتقارۋشى ديرەكتورى ز.ورازبەكوۆا جانە ت.ب. عالىمدار قاتىسىپ, اقىن ءومىرىنىڭ, شىعارماشىلىعىنىڭ ەرەكشەلىكتەرىنە توقتالدى.
بۇگىندە مۇسابەك بايزاق ۇلىنىڭ كوپتەگەن قولجازبالارى ورتالىق عىلىمي كىتاپحانانىڭ قولجازبالار قورىندا ساقتالعان. ءدىندار اقىن ولەڭدەرىنىڭ باسىم كوپشىلىگى ادامگەرشىلىك پەن يماندىلىققا, ادىلدىك, كەڭپەيىلدىلىك قاسيەتتەرگە ارنالعان. بۇل قولجازبالارىندا اقىن قازاق فولكلورىن, قازاق تاريحىن, اۋىزشا اڭىز, اڭگىمە, ماقال-ماتەلدەردى شەبەر قولدانا بىلگەن. اقىننىڭ «ەر شورا» داستانى تاريحي جانە ادەبي مازمۇنى جاعىنان اسا قۇندى دۇنيە. ءحVى عاسىردا نوعاي ورداسىندا ءومىر سۇرگەن باتىردىڭ, ەرلىك ىستەرىن اقىن شىنايى تۇرعىدا جىرلاپ, تاريحي تۇلعاسىن ناقتىلاپ بەرەدى. ونىڭ جىرلارىندا اعارتۋشىلىق باعىتقا ءجون سىلتەۋ, عىلىم,بىلىمگە قاراي ۇمتىلۋ, ونەر, كاسىپ ۇيرەنۋگە, ىسكەرلىككە شاقىرۋ بار.
اقىننىڭ ولەڭدەرى, ونىڭ عيبراتتى وسيەتتەرى جاستاردى پاتريوتتىق سەزىمدە تاربيەلەۋدە اسا قۇندى دەۋگە بولادى. ونىڭ سيرەك قوردا ساقتالعان جىر-داستاندارى مەن حالىق اۋزىندا ساقتالعان ولەڭدەرىن جيناستىرىپ, كىتاپ رەتىندە شىعارۋ الداعى كۇننىڭ ەنشىسىندە. بۇگىندە سيرەك كىتاپتار مەن قولجازبالار قورىندا زەرتتەۋدى قاجەت ەتەتىن قانشاما اقىن-جىراۋلاردىڭ قولجازبالارى بار. قور كۇنى بۇگىنگە دەيىن مەملەكەت تاراپىنان جۇرگىزىلگەن ادەبي ەكسپەديتسيالاردىڭ, باعدارلامالاردىڭ ناتيجەسىندە ەلىمىزدىڭ تاريحى, ەكونوميكاسى, مادەنيەتىنە قاتىستى قولجازبا, سيرەك كىتاپتارمەن تولىعىپ, عالىمداردىڭ ەڭبەكتەرىنە ارقاۋ بولىپ وتىر.
قازىردە ورتالىق عىلىمي كىتاپحانانىڭ سيرەك قورىندا XII, XVIII-XXI عع. قولجازبا قۇجاتتارى, VII-ءXXى عع. سيرەك عىلىمي باسىلىمدار, قازاق, ورىس, شىعىس جانە ت.ب. تىلدەردە جارىق كورگەن سيرەك باسىلىمدار, قولجازبالار بار. بۇنىڭ ىشىندە «حاندار شەجىرەسى» (XVIII ع.), «پايعامبارلار جانە قوجالار شەجىرەسى» (XIX ع.), «ابىلاي حاننىڭ ءسىبىر اسكەري شەپتەرىنىڭ قولباسشىسى گەنەرال-پورۋچيك ي.ي. شپرينگەرگە جازعان حاتى (1765-1767جج.)», سونداي-اق قازاق ويشىلى, فيلوسوف, تاريحشى م.ج. كوپەەۆتىڭ, فولكلورشى, ەتنوگراف ا.ديۆاەۆتىڭ, قازاق اقىنى ا.قۇنانباەۆتىڭ ءوزىنىڭ جەكە حاتشىسى م. بىكە ۇلىنىڭ قولىمەن جازىلعان ولەڭدەرى, ەۆرەي حالقىنىڭ ءدىني قولجازباسى «تورا» (XII-XVIII عع.),«شاھنامانىڭ» العاشقى قازاق تىلىندەگى اۋدارماسى, ش.ءۋاليحانوۆ قولجازبالارىنىڭ فوتوكوشىرمەسى, م. اۋەزوۆتىڭ قولجازباسى جانە ت.ب. جاياۋ مۇسانىڭ قولجازبالارى جانە ى. التىنسارين, ش.ءۋاليحانوۆتىڭ, قازاق حالقىنىڭ تاريحىنا, ارحەولوگياسىن جانە ەتنوگرافياسىن زەرتتەگەن شىعىستانۋشى عالىمداردىڭ ەڭبەكتەرى بار.
قور ماماندارىنىڭ ايتۋىنشا, كىتاپحانا وقىرماندارىنا, عالىمدارعا سيرەك قورداعى ەڭ قۇندى ماتەريال رەتىندە XVI-XX عع. باسىلعان ەرەكشە باسىلىمدارمەن جۇمىس ىستەۋگە تولىققاندى مۇمكىندىك بار.