تۇركىستان وبلىسىندا ەل ەكونوميكاسىنا ينۆەستيتسيالاردىڭ كەلۋىن جەڭىلدەتۋ, بيۋروكراتيا تارتىپتەرىن جانە سىبايلاس جەمقورلىق دەرەكتەرىن بولدىرماۋ ماقساتىندا جۇزەگە اسىرىلىپ جاتقان “Protecting Business and Investments” جوباسى بىرقاتار زاڭسىزدىقتىڭ الدىن الۋعا ىقپال ەتتى.
Cىبايلاس جەمقورلىققا قارسى ءىس-قيمىل اگەنتتىگى مەن سىرتقى ىستەر مينيسترلىگى, سونداي-اق ينۆەستيتسيالار جانە دامۋ مينيسترلىكتەرى اراسىنداعى ىنتىماقتاستىق تۋرالى مەموراندۋم اياسىندا جۇزەگە اسىرىلىپ جاتقان جوبا كەلىسىمشارتقا قول قويعان كاسىپكەرلەرگە قازاقستان اۋماعىندا اپتاسىنا 7 كۇن, تاۋلىگىنە 24 ساعات سىبايلاس جەمقورلىق دەرەكتەرىنەن قورعاۋعا كەپىلدىك بەرەدى. ءوز كەزەگىندە كاسىپكەرلەردەن بيزنەستەرىن تەك ءادىل, ءارى اشىق جولمەن جۇرگىزۋ سۇرالادى. سىبايلاس جەمقورلىققا قارسى ءىس-قيمىل اگەنتتىگى تۇركىستان وبلىسى بويىنشا دەپارتامەنتىنىڭ حابارلاۋىنشا, بىرقاتار سەرىكتەستىك جۇزەگە اسىرىلىپ جاتقان جوبانىڭ يگىلىگىن كورىپ تە ۇلگەرگەن.
وڭىردە قۇرعاق تۇيە ءسۇت ونىمدەرىن وڭدەيتىن «Golden Camel» جشس-نە بەلگىسىز بىرەۋلەر ارنايى مەكەمەدەن كەلگەندەرىن ايتىپ, تەكسەرۋ جۇمىستارىن جۇرگىزبەك بولعان. الايدا, ورەسكەل قۇقىق بۇزۋشىلىقتارمەن تاعايىندالعان تەكسەرىسكە كۇدىكتەنگەن سەرىكتەستىك باسشىلىعى كەلىسىمشارتقا وتىرعان “Protecting Business and Investments” جوبالىق كەڭسەسىمەن بايلانىسىپ, تەكسەرۋ تاعايىنداعان مەملەكەتتىك ورگانعا جەدەل حابارلاسقان. ناتيجەسىندە اقپاراتتىق تالداۋ جۇمىستارى جۇرگىزىلىپ, اتالعان تەكسەرۋ دەپارتامەنت تاراپىنان تاعايىندالماعانى جانە تەكسەرۋ جۇمىسىن جۇرگىزۋگە كەلگەن ازاماتتار الاياقتار ەكەنى انىقتالعان. وسىنداي وقيعا كەلىسىمشارتقا قول قويعان “دجون بان مەتالل پروم” جشس-ىندە دە ورىن العان. بۇل مەكەمە جۇمىسىنا كوشى-قون پوليتسيا تاراپىنان تەكسەرىس جۇمىستارى جۇرگىزىلگەندىگى جانە زاڭدى تۇردە رەسپۋبليكا اۋماعىندا جۇرگەن شەتەل ازاماتتارىنىڭ قۇجاتتارىن الىپ كەتكەنى تۋرالى اقپاراتتى سەرىكتەستىك قىزمەتكەرلەرى جوبالىق كەڭسەگە جەتكىزەدى. اتالمىش كەڭسەنىڭ ارالاسۋىمەن تەز ارادا زاڭسىز الىنعان قۇجاتتار يەلەرىنە قايتارىلعان.
بيزنەستى قورعاۋ, قولايلى ينۆەستيتسيالىق جاعداي جاساۋ جانە كاسىپكەرلەر ءۇشىن سىبايلاس جەمقورلىق دەرەكتەرى بويىنشا قىسىمداردى تومەندەتۋ باسىم باعىتتارىنىڭ ءبىرى بولىپ تابىلاتىن اۋماقتىق دەپارتامەنت جوبالىق كەڭسە وبلىستاعى بارلىق بيزنەس سۋبەكتىلەرىمەن بىرلەسە, قۇقىق جانە زاڭ بۇزۋشىلىقتارعا جول بەرمەۋ ماقساتىندا جۇمىس ىستەۋگە دايىن ەكەنىن مالىمدەۋدە.