ءىرى قارجى ينستيتۋتتارى ايماقتاردى قارجىلاندىرۋعا ءازىر

بۇل جونىندە وتكەن «استانا» حقو-نىڭ دەلەگا­تسياسى تۇركىستان قالاسىندا مەملەكەتتىك ورگاندار, «اتا­مەكەن» ۇلتتىق كاسىپ­كەر­لەر پا­لاتاسى, سونداي-اق تۇركىستان وب­لىسىنىڭ اكادەميالىق توپتارىمەن بولعان كەزدەسۋىندە اي­تىل­دى. ينۆەستورلاردىڭ حالىق­ارالىق اپتالىعىنا (World Investor’s Week) ورايلاستىرى­لىپ, باعالى قاعازدار جو­نىن­دەگى كوميس­سيا­لاردىڭ حالىق­ارا­لىق ۇيىمىنىڭ (IOSCO­) قول­داۋىمەن وتكەن كەزدەسۋ حا­لىق­تىڭ ينۆەستيتسيالىق ساۋاتىن ارت­تىرۋعا باعىت­تالدى.      

احقو اكىمشىلىگى باس­قارما توراعاسىنىڭ كەڭەس­شىسى بولاتبەك قۋان­دىقوۆ­تىڭ ايتۋىنشا, قازىر ورتا­لىقتا 20 حالىقارالىق اربيتر بار. ياعني داۋ­لى ماسەلەلەردى شەشۋگە ورتالىق كومەكتەسەدى. «سونىمەن قاتار شەتەلدىك جۇ­مىس كۇشىن دە تارتۋعا بولادى. بىراق بۇل ءىس بارىنشا اشىق ءارى جەڭىل بولۋى كەرەك. قازاقستانعا كەلگەن كومپانيالار ينۆەستيتسيا قۇيۋى ءۇشىن ءتۇرلى بيۋروكراتيالىق كەدەرگىلەر مەيلىنشە از بولۋى ءتيىس. «استانا» حالىق­ارالىق قارجى ورتالىعىن­دا تىركەلگەن كومپانيا­لار مەن قاتىسۋشىلار وسىن­داعى پرەفەرەنتسيالاردى قولدانا الادى. سالىق­تىق­ جە­ڭىل­دىكتەرمەن قا­تار, اعىل­­شىن­نىڭ سوت قۇقىعى­نا نەگىزدەلگەن «اس­­تانا» حالىق­ارالىق قارجى ور­­­­­تا­لىعى حا­لىق­ارالىق سو­تى­نىڭ تا­جى­ريبەسىن پايدالانادى. مۇ­نىڭ العىشارتى بىلتىر قا­بىل­دانعان بولاتىن. بۇگىندە قار­جى ورتالىعى حالىقارالىق ءىرى قارجى ينس­تيتۋتتارىمەن بايلا­نىس ور­نات­قان. بۇل ۇيىمدار اي­ماق­تاردى دامىتۋعا اتسالىسۋعا ءازىر», دەدى ب.قۋاندىقوۆ.

سونداي-اق باسقوسۋدا كاسىپ­كەرلەرگە احقو-دا بيزنەس جۇر­گىزۋ مۇمكىندىكتەرى مەن ورتا­لىق­قا قاتىسۋشى اتانۋدىڭ جول­دارى ۇيرەتىلدى. قانداي قۇ­قىقتىق كومەكتەر كورسەتىلەتىنى جانە احقو-داعى جاسىل قار­جى­لان­دىرۋ مۇم­كىندىكتەرى مەن كە­لەشەگى باياندالدى. ال يس­لامدىق قارجى مەن بيزنەس حابى­نىڭ باس مەنەدجەرى قازى­بەك جۇمان ورتالىقتاعى يسلام­دىق قار­جىلاندىرۋ ماسە­لەلەرىن ءتۇسىن­دىردى.

تۇركىستان وبلىسى