وڭتۇستىك شاھاردىڭ تىنىس-تىرشىلىگىنىڭ بىرىڭعاي بازاسىن جاساپ, تۇرعىندارعا اقپاراتتىق جۇيەلەردىڭ قولجەتىمدىلىگىن قامتاماسىز ەتۋ ماقساتىندا قالانى تسيفرلاندىرۋ جەتىلدىرىلەتىن بولادى. وسىعان وراي ارنايى بريفينگتە تسيفرلاندىرۋ باسقارماسىنىڭ باسشىسى بايان قوڭىرباەۆ الماتى قالاسىنىڭ اكىمى قويعان تاپسىرمانى جۇزەگە اسىرۋدىڭ تەتىكتەرى جايىندا ءمالىم ەتتى.
بايان قوڭىروۆتىڭ ايتۋىنشا, تسيفرلاندىرۋدىڭ تۇرعىندار ومىرىنە بەلسەندى ەنگىزىلۋى ءوز كەزەگىندە بارلىق قىزمەتتەردىڭ اشىقتىعىن قامتاماسىز ەتەدى. سونىمەن قاتار مەملەكەتتىك قىزمەتشىلەردىڭ قىزمەت ساپاسىنىڭ دەڭگەيىن انىقتاۋعا دا مۇمكىندىك بەرەدى.
قازىرگى كەزدە قالاداعى بارلىق نىسانداردىڭ دەڭگەيىن انىقتاۋ بويىنشا ارنايى الاڭ قۇرىلعان. ونىڭ بارىسىندا جول جوندەۋ قىزمەتى, ينفراقۇرىلىمدىق جۇيەلەردى رەتكە كەلتىرۋ, مەكتەپتەر, بالا باقشالار مەن ەمحانالاردىڭ شوعىرلانۋى قاداعالانادى. ەندىگى كەزەكتە وسى باعىتتاعى جۇمىستاردى جەتىلدىرىپ, سالانىڭ دامۋىنداعى تۇرعىنداردىڭ ۇلەسىن ارتتىرۋ مۇمكىندىكتەرى قاراستىرىلۋدا. ەندىگى كەزەكتە تسيفرلاندىرۋ باسقارماسىندا بىرنەشە ءبولىم جۇمىس ىستەيتىن بولادى. ونىڭ بارىسىندا ستۋدەنتتەردى تسيفرلاندىرۋ ۇدەرىسىنە تارتۋ ماقساتىندا تەحنيكالىق ۋنيۆەرسيتەتتەرمەن, سالالىق كوللەدجدەرمەن بايلانىس جاسالادى.