تۇركىستان: «اۋىل - ەل بەسىگى» جوباسى پارتيالىق باقىلاۋعا الىنادى

ساياسي كەڭەستىڭ مۇشەلەرى, قوعام وكىلدەرى مەن اۋداندىق ءماسليحات حاتشىلارى, فراكتسيا جەتەكشىلەرى قاتىسقان ماجىلىستە Nur Otan پارتياسى تۇركىستان وبلىستىق فيليالىنىڭ توراعاسى, وبلىس اكىمى ومىرزاق شوكەەۆ جاڭعىرتۋ باعدارلاماسىنا كەڭىنەن توقتالىپ, جۇزەگە اسىرۋ بويىنشا بىرقاتار تاپسىرما جۇكتەدى.

ء«بىرىنشى, پارتيانىڭ بەلسەندى مۇشەلەرىن ايقىنداپ الۋىمىز قاجەت. پارتيادا ەل دەگەندە جاناشىرلىقپەن جۇمىس ىستەيتىن, حالىققا شىن جانى اشيتىن بەلسەندىلەر ءجۇرۋى كەرەك. ەكىنشى, جاستار جىلىنا وراي, اكىمدىك, باسقارما باسشىلارى, زيالى قاۋىم, بەلسەندىلەردى تارتا وتىرىپ Jas Otan جاستار قاناتىمەن بىرگە ديالوگتىق الاڭ قۇرىپ, پىكىر-سايىستار وتكىزۋىمىز قاجەت. ءۇشىنشى, سىبايلاس جەمقورلىقپەن كۇرەستە پارتيالىق باقىلاۋ قاجەت. ءتورتىنشى, پارتيا ازاماتتاردىڭ وزەكتى ماسەلەلەرىن شەشۋدە كومەك كورسەتۋى ءتيىس. بەسىنشى, پارتيادا قاراپايىم حالىقپەن قاتار كاسىپكەرلەرگە زاڭ جۇزىندە كەڭەس بەرىپ, ولاردىڭ ارىز-شاعىمىن تىڭدايتىن قوعامدىق بيزنەس-قابىلداۋ اشىلۋى قاجەت. التىنشى, وبلىستاعى, اۋدانداعى الەۋمەتتىك-ەكونوميكالىق, ساياسي جاعدايدى ناسيحاتتاۋدا, وزەكتى ماسەلەلەردى بۇقارالىق اقپارات قۇرالدارى ايتۋى كەرەك, جازۋى كەرەك. جەتىنشى, ءبىزدىڭ وبلىستا قارقىندى جۇزەگە اسىرىلىپ جاتقان «اۋىل ەل - بەسىگى» جوباسىنىڭ جۇزەگە اسۋىن پارتيالىق باقىلاۋعا الىپ, ساپالى ورىندالۋىن تاپسىرامىن», - دەدى پارتيا فيليالىنىڭ توراعاسى.

سونداي-اق جيىندا وبلىستىق پارتيا فيليالى توراعاسىنىڭ ءبىرىنشى ورىنباسارى ب.تاجىباەۆ وڭىردەگى الەۋمەتتىك-ەكونوميكالىق, مادەني-رۋحاني سالاداعى وزەكتى ماسەلەلەردى قامتىعان بايانداما جاسادى. ال جارىسسوزگە شىققان ساياسي كەڭەس مۇشەسى, وبلىستىق ءماسليحات دەپۋتاتى ن. ابىشەۆ, اقىن, وقمپۋ جانىنداعى «ايتىس» ورتالىعىنىڭ جەتەكشىسى ب. بايتۋوۆ جانە تۇركىستان گۋمانيتارلىق-تەحنيكالىق كوللەدجىنىڭ ديرەكتورى, «مامان» باستاۋىش پارتيا ۇيىمىنىڭ توراعاسى ا. اپبازوۆ قوعامداعى ماسەلەلەرگە قاتىستى ويلارىن ورتاعا سالدى.

تۇركىستان وبلىسى