الماتىداعى ەڭ جاس اۋدانداردىڭ ءبىرى الاتاۋ اۋدانى جۇرتشىلىعى تاراپىنان جارىق ماسەلەسىنە قاتىستى ارىز-شاعىمدار ءجيى ايتىلىپ كەلگەن ەدى. جاۋاپتى ماماندار جۋىردا بۇل ماسەلە وڭتايلى شەشىمىن تابادى دەپ سەندىرىپ وتىر. بۇگىندە 158 كوشەنىڭ جوبالىق-سمەتالىق قۇجاتتاماسى ازىرلەنىپ ۇلگەرگەن.
جىل سوڭىنا دەيىن اۋداندا 65 كوشە جارىقتاندىرىلماق. ونىڭ ىشىندە «ايگەرىم-2» شاعىناۋدانىنداعى بۇعىتى جانە كارپاتسكايا كوشەلەرى دە بار. ودان بولەك, «شاڭىراق», «ايگەرىم» جانە «بورالداي» شاعىناۋداندارىنا دا دا كوشە شامدارى قويىلادى.
«قازىرگى تاڭدا 158 كوشەدە جوبالاۋ-سمەتالىق قۇجاتتامالارى بار. ونىڭ 65-ىنە 2019 جىلدىڭ سوڭىنا دەيىن كوشە شامدارى ورناتىلادى. جانە دە 146 كوشەگە تاس جول توسەۋ جۇمىستارى مەن كەشەندى تۇردە شامدار جانە ارىق جۇيەلەرى ورناتىلادى. قالعان جارىقتاندىرىلماعان 159 كوشەنىڭ ءتىزىمى دايىندالىپ, ولارعا جوبالىق-سمەتالىق قۇجاتتامالار ازىرلەنەدى. بۇل تۋرالى ەنەرگوتيىمدىلىك جانە ينفروقۇرىلىمدىق دامۋ باسقارماسىنا ءوتىنىم بەرىلدى», – دەيدى الماتى قالاسى الاتاۋ اۋدانى كورىكتەندىرۋ ءبولىمىنىڭ باس مامانى نۇرسۇلتان مىرزاتاي.
الماتى