جۋىردا الماتى جۇرتشىلىعىنا ارنالعان ايرىقشا جوبا قولعا الىنعان بولاتىن. الماتىلىقتار مەن قالا قوناقتارى شاھاردىڭ ءاربىر اۋدانىندا اشىق اسپان اياسىندا كينو تاماشالاۋ مۇمكىندىگىنە يە بولدى. 10 شىلدەدە باستالعان شاراعا ەكى مىڭنان كوپ كورەرمەن كەلگەن. بۇگىنگە دەيىن 4 فيلم كورسەتىلىپتى.
الاتاۋدان ەسكەن سالقىن سامالمەن تىنىستاپ, اشىق اسپان اياسىندا فيلم تاماشالاۋعا كەلگەن تۇرعىندار ۇيىمداستىرۋشىلارعا ءدان ريزا. بۇل كوڭىل-كۇيدى كوتەرىپ, جانىڭا جىلىلىق سىيلايدى دەيدى قالا جۇرتشىلىعى.
«اتالعان شارانىڭ باستالعانىنا 4 اپتا بولدى. تامىز ايى بويى جالعاسىن تابادى. ەندىگى جۇمادان باستاپ ءبىزدىڭ جوبامىز كەڭەيىپ جاتىر. ونىڭ دا گرافيگى جاقىندا جاريا بولادى», – دەدى «الماتى باس جوسپار» عىلىمي-زەرتتەۋ ينستيتۋتى باسشىسىنىڭ ورىنباسارى قۋات بايىروۆ.
ەسكە سالساق, الماتىلىقتار ءار سەنبى سايىن وتاندىق كينوتۋىندىلاردى تاماشالاي الادى. كورسەتىلىمنىڭ تۇراقتى وتەتىن ورنى اباي داڭعىلى, گاگارين مەن جاروكوۆ كوشەلەرىنىڭ ورتاسىندا. تولىق اقپاراتمەن Q-Lab قالالىق جوبالار زەرتحاناسىنىڭ فەيسبۋكتاعى پاراقشاسى ارقىلى تانىسۋعا بولادى.