الماتىلىق پوليتسيا دەپارتامەنتىنىڭ اقپاراتىنا سايكەس, شاھاردا بەينەكامەرالاردىڭ ارقاسىندا بوتەننىڭ مۇلكىن ۇرلاۋ قىلمىسى ەداۋىر ازايعان. ستاتيستيكالىق دەرەكتەر بويىنشا پاتەر توناۋ - 2,3 ەسەگە, اۆتوموبيلدەر ۇرلىعى - 2,9%, ۇيالى تەلەفون ۇرلىعى - 48,1%, كولىك اينالارىن ۇرلاۋ - 4,3 پروتسەنتكە, قالتا ۇرلىعى - 3,4 ەسەگە, كولىك ىشىنەن ۇرلاۋ - 13,5%, ءتۇستى جانە قارا مەتالدى ۇرلاۋ 21,7پروتسەنتكە ازايىپتى.
ماماندار قىلمىستىڭ الدىن الۋ ماقساتىندا IT-تەحنولوگيالاردىڭ مۇمكىندىكتەرىن بەلسەندى پايدالانۋدا. بۇگىندە قالادا 120 مىڭعا جۋىق بەينەباقىلاۋ كامەراسى بار. ولاردىڭ 90% بيۋدجەتتەن تىس قارجىعا ورناتىلعان. كامەرالاردا جازىلعان ۆيدەونى قولدانۋ ناتيجەسىندە سوڭعى ءۇش جىلدا پاتەر ۇرلىعى 2,9 ەسە تومەندەپتى.
«قاۋىپسىز اۋلا» قاعيداسى بويىنشا كوپپاتەرلى ۇيلەردە 44 مىڭ 687 بەينەكامەرا ورناتىلدى, جەكە سەكتور كوشەلەرىنىڭ قيىلىسىندا 8 مىڭ 642 بەينەباقىلاۋ كامەرالارى جۇمىس ىستەيدى, ال جەكە تۇرعىن ۇيلەردىڭ اۋلالارىندا 30 مىڭ 154 بەينەكامەرا بار. سونىمەن قاتار, قالادا جەكەمەنشىك نىسانداردا 35 مىڭ 892 سىرتقى باقىلاۋ كامەرالارى ورناتىلدى. ولاردىڭ كومەگىمەن جىل باسىنان بەرى 975 قىلمىستىڭ بەتى اشىلدى, 8 مىڭنان استام اكىمشىلىك قۇقىقبۇزۋشىلىق انىقتالدى. ولاردىڭ 5 مىڭنان استامى جول قوزعالىسى ەرەجەلەرىن بۇزۋ بولىپ وتىر», الماتى پد جەرگىلىكتى پوليتسيا قىزمەتىنىڭ باستىعى تورەحان يسين.
الماتى