الماتىنىڭ 120 كوشەسىندە سۋ جاڭا جارىق شامدارى پايدا بولدى. جىل سوڭىنا دەيىن بوستاندىق, جەتىسۋ, تۇركسىب جانە الاتاۋ اۋداندارىنداعى 208 كوشەنى جارىقتاندىرۋ جوسپارلانعان.
بۇگىندە شاھارداعى 1073 كوشەدە جارىق شامدارى جوق. قالا شەتىندەگى 744 كوشەگە جوبالىق-سمەتالىق قۇجاتتاما ازىرلەۋ قولعا الىنعان. ونى 2020-2021 جىلدارى ىسكە اسىرۋ جوسپارلانىپ وتىر.
سونداي-اق مەگوپوليستە 217 كوشەنى ءىشىنارا جارىقتاندىرۋ شارالارى ىسكە اسىرىلادى. مامانداردىڭ سوزىنشە, كەلەر جىلى وسى ۋچاسكەلەردى قوسىمشا جارىق شامدارىمەن قامتۋ جوسپارلانعان.
بارلىق اۋلالاردا ەنەرگيانى ۇنەمدەيتىن جارىق ديودتى شامدار قولدانىلادى, بۇل ەلەكتر قۋاتىن 15% ۇنەمدەيدى. بۇدان باسقا جارىقديودتى شامداردىڭ تاعى ءبىر ارتىقشىلىعى, نىسانداردى انىق كورۋگە مۇمكىندىك بەرەدى.