ايتا كەتەرلىگى, قالالىقتاردىڭ موبيلدىلىگىن ارتتىرۋ ماقساتىندا مەگاپوليستىڭ كولىك ينفراقۇرىلىمىن جاقسارتۋ بويىنشا بىرقاتار شارالار جۇزەگە اسادى. قابىلدانعان شەشىمدەر جولداردىڭ وتكىزۋ قابىلەتىن, كولىك قوزعالىسى قاۋىپسىزدىگىن جانە قالادا ەكولوگيالىق جاعدايدى جاقسارتۋعا ىقپال ەتپەك.
قازىرگى كەزدە الماتىدا ەلەكتر اۆتوموبيلدەرىنىڭ 107 بىرلىگى تىركەلگەن بولسا, ولاردىڭ 67 بىرلىگى تەسلا ماركالى ەلەكتروموبيلدەردىڭ ءتۇرلى مودەلدەرىنە تيەسىلى.
تesla كومپانياسى 2003 جىلى اقش-تا (سانتا كلارا, كاليفورنيا) قۇرىلعان. ونىڭ نەگىزىن قالاۋشىلار – يلون ماسك, مارتين ەبەرحارد, دجەفري برايان.
كومپانيا 2019 جىلدىڭ ءبىرىنىشى جارتىجىلدىعىندا 150 مىڭنان استام اۆتوموبيل شىعارعان. قازىرگى كەزدە ءوندىرىس كولەمى اپتاسىنا 7 مىڭنان استام ەلەكتروموبيلدەر جاسايدى. كومپانيانىڭ جالپى سانى 10000-عا جۋىق Supercharger قوندىرعىلارىمەن جابدىقتالعان 1250-دەن استام زاريادتاۋشى ستانسالارى بار.
الماتى