قۇرىلىس كومپانيالارىنىڭ جەتەكشىلەرىمەن كەزدەسكەن الماتى اكىمى باقىتجان ساعىنتاەۆ ءبىرىنشى كەزەكتە مەكتەپ, اۋرۋحانا, بالاباقشا سىندى نىساندار حالىققا قولجەتىمدى قاشىقتىقتا بولۋى كەرەك ەكەنىن ايتتى.
«قۇرىلىس كومپانيالارى باسشىلارىمەن جۇزدەستىم. باستى ماسەلە رەتىندە – ەسكى ۇيلەردى ءسۇرۋ جايى تالقىلاندى. بۇل – باسىمدىق بەرىلگەن باعىتتاردىڭ ءبىرى. وڭتايلى شەشىم ىزدەيتىن بولامىز», – دەپ جازدى باقىتجان ساعىنتاەۆ Twitter-دەگى پاراقشاسىندا.
سونىمەن قاتار, الماتى اكىمى باقىتجان ساعىنتاەۆ بەلسەندى قۇرىلىستىڭ قارقىنى الەۋمەتتىك نىسانداردىڭ, ينفراقۇرىلىمنىڭ دامۋىمەن قاتار ءجۇرۋى ءتيىس ەكەنىن اتاپ ءوتتى. تۇرعىندارعا مەكتەپ, اۋرۋحانا, بالاباقشا قولجەتىمدى قاشىقتىقتا بولۋى باستى نازاردا بولاتىنىن جەتكىزدى.
الماتى