«كولىك يەلەرىنە كەلگەن شىعىن مولشەرى - 7,5 ميلليوننان 8,5 ملن تەڭگەگە دەيىن. جابىرلەنۋشىلەردىڭ ارىزى اۋەزوۆ اۋداندىق پوليتسيا بولىمىندە قر قك 200-بابى جانە 188-بابى بويىنشا تىركەلدى. قىلمىستاردى اشۋ ءۇشىن اۋدان دەڭگەيىندەگى دەتەكتيۆتەر مەن ءبىزدىڭ بولىمشەدەن ارنايى جەدەل تەرگەۋ توبى قۇرىلدى», - دەيدى الماتى پد قىلمىستىق پوليتسيا باسقارماسىنىڭ باستىعى ەسەن ىسقاقوۆ.
جەدەل جانە ارنايى ءىس-شارالاردى جۇرگىزۋ ارقاسىندا بەس ادامنان تۇراتىن قىلمىستىق توپ ۇستالعان. ولار - الماتى, جامبىل جانە تۇركىستان وبلىستارىنىڭ تۋمالارى.
«ولاردىڭ ارقايسىسىنىڭ ءرولى ايقىن كورسەتىلگەن. مىسالى, الماتى اۋماعىنداعى اۆتوكولىكتەردى 1985 جىلى تۋعان ازامات ۇرلاپ, الماتى وبلىسىنىڭ تۋماسىنا بەرگەن. ول ۇرلانعان كولىكتى جامبىل وبلىسىنداعى ءۇش سەرىگىنە تاپسىرىپ وتىرعان. 1976, 1985 جانە 1987 جىلى تۋعان ازاماتتار قىلمىستىق جولمەن كەلگەن كولىكتى ساتۋمەن اينالىسقان», - دەدى ەسەن ىسقاقوۆ.
ۇستالعان بەس كۇدىكتىنىڭ ەكەۋى بۇرىن بۇزاقىلىق پەن الاياقتىق سىندى قىلمىسى ء ۇشىن جاۋاپقا تارتىلعاندار. قازىرگى تاڭدا كۇدىكتىلەر قاماۋعا الىندى. ال ۇرلانعان كولىكتەر يەلەرىنە قايتارىلعان.
الماتى