زامانىندا مادەني بولمىسى مەن قۇندىلىقتار جۇيەسى تۇتاس بولعان ۇلى دالا وركەنيەتىن قايتا جاڭعىرتۋدى ماقسات ەتكەن فەستيۆال بيىل ەكىنشى رەت ۇيىمداستىرىلدى. جىل سايىن حالىقارالىق اۋقىمدى سيپات الىپ كەلە جاتقان جيىن سان عاسىرلىق تاجىريبەدەگى كوشپەلى تۇرمىس سالتىن مادەني تۇرعىدا ورتاق ءبىر ناتيجەگە جەتكىزۋدى كوزدەيدى.
– وتكەن جىلى 8 ەلدەن 90-عا جۋىق ونەرپاز كەلگەن بولسا, بيىل 10 مەملەكەتتەن 180-نەن استام قاتىسۋشى باس قوستى. اتاپ ايتقاندا, ازەربايجان, موڭعوليا, يران, وڭتۇستىك كورەيا, ءوزبەكستان سىندى ەلدەر. مۇنداعى ماقسات – استانامىزدىڭ دامىعان بۇگىنگى كەلبەتىن عانا ەمەس, باي مادەنيەتىمىزدى, تاريحي مۇرالارىمىزدى كورسەتۋ, – دەيدى «Kazakh تourism» اق توراعاسىنىڭ ورىنباسارى تيمۋر ءدۇيسەنعاليەۆ. ونىڭ ايتۋىنشا, فەستيۆالدى ءداستۇرلى مەرەكەگە اينالدىرۋ تۋريستىك سالانى عانا ەمەس, قوماقتى تابىس اكەلۋ تۇرعىسىنان دا ءتيىمدى. قالالار مەن ايماقتارداعى جەرگىلىكتى ءوندىرىستەردىڭ قوسىمشا دامۋىنا ىقپال ەتەدى.
– بىلتىر فەستيۆالگە 5 مىڭعا جۋىق قالا تۇرعىندارى مەن قوناقتار قاتىستى. بيىل باعىمىزعا وراي, 29 ماۋسىم كۇنى ديماشتىڭ كونتسەرتكە الەمنىڭ 60 ەلىنەن قوناقتار كەلدى. ال ولاردى مادەني الۋاندىققا يە وسىنداي ەتنو فەستيۆال نەگە قىزىقتىرماسقا؟! ەۋرازيالىق يدەيا ەكونوميكالىق تۇرعىدان عانا ەمەس, مادەني بىرلەستىككە شاقىرادى, – دەدى ول.
قاتىسۋشىلار قالا كوشەلەرىندە سالتاناتتى شەرۋگە شىعىپ, قوناقتار كاسىبي ساداقشىلاردىڭ اتىسىنا, كوكپارشىلار مەن ءبۇركىتشىلەردىڭ سايىسىنا, جەكپە-جەك ونەرىنە كۋا بولدى. الەمگە تانىلعان ەتنو-مۋزىكا ورىنداۋشىلارىنىڭ قاتىسۋىمەن ناعىز مەيرامعا اينالدى. سونىڭ اراسىندا, تاياۋدا عانا YouTube ارناسىندا تانىمال بولىپ, روك-مۋزىكانى باعالاۋشىلار عانا ەمەس, مادەنيەتتانۋشىلار مەن تاريحشىلاردى تاڭ-تاماشا ەتكەن موڭعوليالىق «The Hu» فولك-مەتال-توبى ونەر كورسەتتى.
«قازاقستان مەن موڭعوليا اراسىندا بىرلەسكەن جوسپارلار بويىنشا ورتاق دۇنيە جەتكىلىكتى. قازىر الەمدە كوشپەندىلەردىڭ ەتنو مادەنيەتىنە قىزىعۋشىلىق تانىتىپ وتىرعاندار كوپ. مۋزىكاداعى جاڭا باعىتتى ويلاپ تاۋىپ, ونى «حۋننۋ-روك» دەپ اتاپ, ىشەكتى مۋزىكالىق اسپاپتار مەن كومەيمەن ورىنداۋدى شەبەر ۇيلەستىرىپ جۇرگەن «The Hu» توبى, «The Altai band» سىندى ەتنو فولك باعىتىنداعى توپتار ءان سالدى. كوشپەندىلەر مادەنيەتىن تانىتۋدى ماقسات ەتكەن مۇنداي فەستيۆالدەردىڭ ۇلتتىق تۇرعىدا, الەمدىك اۋقىمدا ماڭىزى وتە جوعارى. ونەر مەرەكەسىنە قاتىسۋ بىزگە ۇلكەن قۋانىش سىيلايدى», دەيدى موڭعوليا كومانداسىنىڭ جەتەكشىسى دولگيون بالچياۆ.
اتالعان ءىس-شارانىڭ وتۋىنە «Kazakh تourism» اق تاراپىنان تۋريزم يندۋسترياسى كوميتەتى تاپسىرىسى بويىنشا نۇر-سۇلتان قالاسى اكىمدىگىنىڭ ۇيىمداستىرۋىمەن 130 ميلليون تەڭگە ءبولىنگەن. قارجىنىڭ باسىم بولىگى شەتەلدىك قوناقتاردىڭ ءجۇرىپ-تۇرۋىنا, ولاردى ورنالاستىرۋعا جۇمسالدى. «Kazakh تourism» اق كەلەشەكتە ىشكى ءتۋريزمنىڭ دامۋىنا وڭ اسەر ەتەتىن «Apple fest», «التاي – وركەنيەت بەسىگى» اتتى ءبىرقاتار جيىنداردى جوعارى دەڭگەيدە وتكىزدى.