قازاقستان حالقى اسسامبلەياسى ارقاشان كومەك قولىن سوزۋدان قالىس قالعان ەمەس. بۇل جولى دا قايىرىمدىلىق ءىسىن جالعاستىرىپ, قيىندىقتا قالعان جاندارمەن بىرگە بولدى.
كەشەدەن بەرى رەسپۋبليكامىز بويىنشا, «ارىس, ءبىز بىرگەمىز!» اتتى اكتسيانىڭ باستاۋ الىپ كەتكەنى ءمالىم. وسىعان وراي, بۇگىن نۇر-سۇلتان قالاسىنىڭ دوستىق ۇيىندە ەلوردا ەتنومادەني بىرلەستىكتەرىنىڭ وكىلدەرى باس قوسىپ, قايىرىمدىلىققا باعىتتالعان ىستەردى جۇيەلى اتقارىپ شىعۋعا ۋاعدالاسىپ, تۇركىستان وبلىسىنداعى ارىس قالاسىنا قايىرىمدىلىق كومەگىن ۇيىمداستىراتىنىن مالىمدەدى.
قازىردەن باستاپ بۇل قالاعا جونەلتىلەتىن زاتتار ءتىزىمى جاساقتالدى. جاقىن ارادا بۇل كۇندەلىكتى تۇرمىسقا قاجەتتى زاتتار جينالعان بويدا, ارىس قالاسىنا جىبەرىلەتىن بولادى. ال ءدال كەشەگى كۇنى «نۇر-سۇلتان قالاسى وزبەك ەتنومادەني ورتالىعى» قوعامدىق بىرلەستىگى توراعاسىنىڭ ورىنباسارى حاسان حالماتوۆيچ شاريپوۆ ءوز جەكە قارجىسى ەسەبىنەن ارىس قالاسىنا 22 توننا ۇن جونەلتىپتى.