«100 جاڭا ەسىم» جوباسىنىڭ جەڭىمپازى بەلگىلى كومپوزيتور, پيونيست راحات-بي ابدىساعىن الماتى قالاسىنداعى №54 سايلاۋ ۋچاسكەسىندە داۋىس بەردى. جاس بولسا دا حالىقارالىق دەڭگەيدەگى ۇلكەن ساحنالاردا ەل نامىسىن ارقالاپ جۇرگەن دارىن يەسى جاستاردى سايلاۋدا بەلسەندى بولۋعا شاقىردى.
«مەن ەلىمىزدەگى پرەزيدەنت سايلاۋىنا قاتىسىپ, ءوز تاڭداۋىمدى جاسادىم. بۇل - مەنىڭ تۇڭعىش داۋىس بەرۋىم. وسىناۋ تاريحي كەزەڭدە ەلىممەن بىرگە بولايىن دەپ, يتاليادان ارنايى ۇشىپ كەلدىم. ءوز داۋسىمدى ەلىمىزدىڭ وركەندەۋىنە, مەملەكەتىمىزدىڭ نىعايۋىنا قوسقان ۇلەسىم دەپ بىلەمىن. العاش رەت سايلاۋعا قاتىسا وتىرىپ, كەمەل كەلەشەككە داۋىس بەردىم دەپ ويلايمىن. جاستاردىڭ جارقىن بولاشاعىنا وزىندىك ءۇنىمدى قوستىم دەپ سەنەمىن. ەلىمىزدە جاستاردىڭ وقىپ , ءبىلىم الۋىنا بارلىق جاعداي جاسالعان. سونىڭ ءبىر كورىنىسى ءوزىمنىڭ شەت ەلدە ءبىلىمىمدى جالعاستىرۋىم. ءساتىن سالسا, ەلگە كەلىپ, ونەر سالاسىنىڭ قارىشتاپ دامۋىنا ءوز ۇلەسىمدى قوساتىن بولامىن», – دەيدى ول.