«شارا اياسىندا قازاقستاننىڭ 7 دۇركىن, الەمنىڭ 2 دۇركىن چەمپيونى گيننەس رەكوردتار كىتابىنا ەسىمى ەنگەن وتانداسىمىز سەرگەي تسىرۋلنيكوۆتىڭ باستاۋىمەن الىپتار توبى ارنايى شوۋ-باعدارلاما ۇسىنادى. ولار كۇش سىناسۋ, شەگە قاعۋ, تەمىر مايىستىرۋ, كىر تاسىن كوتەرۋ بويىنشا سىنعا تۇسەدى. وراسان كۇش يەلەرى شەبەرلىك ساباقتارىن وتكىزىپ, كورەرمەندەر ءۇشىن ءتۇرلى جارىستار ۇيىمداستىرىلماق.
ماجارستاننان كەلگەن قوناقتار اندراش بيرونىڭ جەتەكشىلىگىمەن ات ۇستىندەگى اسكەري ويىندارعا قاتىسىپ, بۋريات شامانى ۆەليگتو بادماەۆ ىستىق تاسپەن الاستاۋ ءراسىمىن پاش ەتپەك. وعان قوسا باشقۇرتستاننان كەلگەن ايتۋلى مەرگەندەر ساداق اتۋ ونەرىن كورسەتسە, باۋىرلاس قىرعىز توپىراعىنان كەلەتىن «سالبۋرۋن» توبى قىران قۇستار مەن قۇماي تازىلاردىڭ كومەگىمەن اڭ اۋلاۋ شەبەرلىگىن ۇسىناتىن بولادى.
ۇلى دالانى دۇبىرگە بولەگەن ايرىقشا ەتنوفەستيۆال 7-8 ماۋسىم كۇندەرى وتەدى. «بۇل – الماتى تۇرعىندارى مەن قوناقتارى ءۇشىن جارمەڭكەلەر مەن ۇلتتىق ويىنداردى تاماشالاۋدىڭ تاپتىرماس مۇمكىندىگى», دەيدى ۇيىمداستىرۋشىلار.